Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

«Kyrgyzkómúr» fılıalyn basyp alǵandar kassadaǵy aqshany ıelenip ketti

2020 jyldyń 6 qazan 2020 21:24

BІShKEK. QazAqparat – Búgin saǵat 15:00-der shamasynda «Kyrgyzkómúr» memlekettik kásipornynyń Kara-Keche fılıalyn 100-ge jýyq belgisiz adam basyp alǵan. Bul týraly QazAqparat Kabar agenttigine silteme jasap habarlaıdy.

«Málimetke sáıkes, kómir kenine shabýyldy qylmys áleminde «Saıaq» laqap aty bar M. Qadyrqulov uıymdastyrǵan. Olar kómir satýdan túsken 1,5 mln-ǵa jýyq somdy (8,13 mln teńge shamasynda) fılıaldyń kassa qyzmetkerlerinen tartyp alǵan. Sonymen qatar, fılal dırektory men bas ınjenerge qyzmetinen bas tartýǵa aryz jazýǵa májbúrlep, basshylyqty aýystyrýdy talap etken. Ken aýmaǵyna ruqsat qujatynsyz, ónimdi alýǵa aqsha tólemesten kóptegen mashına kirip-shyqqan», - dep habarlaıdy kásiporyn.

Mekemeniń málimdeýinshe, kásiporyndy basyp alý jáne ónimin talan-tarajǵa salý eldegi jylý maýsymyna keri áserin tıgizedi. Qazirgi ýaqytta kásiporyn basshysy Kanatbek Ashyrbaev eldiń Ulttyq qaýipsizdik komıteti, Іshki ister mınıstrligi, jańadan qurylǵan Qyrǵyzstannyń Úılestirý keńesine shara qabyldaý jóninde aryz joldady.


Perevod Jánibek Amangeldi
Basty sózder: Qyrǵyzstan, Oqıǵa,
Joǵary qaraı