Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyrǵyzstan parlamentine saılaýdyń aldyn ala nátıjesi jarııalandy

2021 jyldyń 28 qarasha 2021 23:09

BІShKEK. Kabar – QazAqparat – Qyrǵyzstan Ortalyq saılaý komıssııasynyń saıtynda avtomatty eseptegish jáshikterden (AEJ) alynǵan Jogorký Keneshke depýtattar saılaýynyń aldyn ala qorytyndysy jarııalandy, dep habarlaıdy QazAqparat Kabar agenttigine silteme jasap.

Qazirgi ýaqytta 2494 avtomatty eseptegish jáshiktiń 2247-sinen málimetter alynǵan, bul 90,10% quraıdy. Aldyn ala aqparatqa sáıkes, saılaýǵa 3 mln 703 myń 420 elektorattyń 1 mln 182 myń 291-i keldi, ıaǵnı 31,92%.

Qyrǵyzstanda parlamentke saılaý aralas júıe boıynsha ótti. Jogorký Keneshke 54 depýtat biryńǵaı saılaý okrýgi boıynsha proportsıonaldy júıemen (saıası partııalar kandıdattarynyń ashyq tizimi boıynsha) tańdalady, al 36 depýtat bir mandatty saılaý okrýgterinde majorıtarlyq júıemen saılanady.

Parlamentke ótý úshin partııalarǵa saılaýshylardyń kem degende 5% daýysyn jınaý qajet.

AEJ-lerden alynǵan biryńǵaı saılaý okrýgi boıynsha aldyn ala málimetter:

№1 «Ata-Meken» - 3.48%

№2 «Bútún Kyrgyzstan» - 6.74%

№3 «Alıans» - 8.23%

№4 «Legalaız» - 0.62%

№5 «Yıman Nýrý» - 6.01%

№6 «Kúchtúú Regıon» - 0.62%

№7 «Bagyt» - 0.95%

№8 «Yntymak» - 10.81%

№9 «Ishenım» - 13.50%

№10 «Azattyk» - 4.01%

№11 «Mekenchıl El» - 1.54%

№12 «Kyrgyzstan jashyldar partııasy» - 0.41%

№13 «Jashasyn Kyrgyzstan» - 0.44%

№14 «Sotsıal-demokraty» - 3.21%

№15 «Arýýzat-El Kýtý» - 0.46%

№16 «Patrıotıcheskaıa Partııa Edınenııa Kyrgyzstana» - 0.96%

№17 «Ýlýttar Bırımdıgı» - 2.48%

№18 «El Úmútú» - 4.46%

№19 «Ordo» - 0.46%

№20 «Ýlýý-Jýrt» - 0.71%

№21 «Ata-Jýrt Kyrgyzstan» - 16.86%

Barlyǵyna qarsy - 2.17%.

Búgin Qyrǵyzstanda Jogorký Keneshke depýtattardy saılaý bastalǵanyn buǵan deıin habarlaǵan bolatynbyz. Saılaýǵa barlyǵy 21 partııa qatysty.


Joǵary qaraı