Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyrkúıek aıynda qandaı mamandyqtarǵa suranys artty

2021 jyldyń 11 qazan 2021 10:22

NUR-SULTAN. QazAqparat – Qyrkúıek aıynda elimizde avtokólik júrgizýshileri, tárbıeshiler, júk tıeýshiler tapshy boldy. Bul týraly Eńbek resýrstaryn damytý ortalyǵynan málim boldy, dep habarlaıdy QazAqparat.

Qyrkúıekte barlyq óńirler bólinisinde bos oryndar sanynyń jalpy ósimi aıasynda Almaty qalasynda (-10%) jáne Mańǵystaý oblysynda (-7%) bos jumys oryndarynyń qysqarýy baıqalady. Sonymen qatar, ótken aıda jarııalanǵan bos oryndar sany boıynsha 12,6 myń kórsetkishpen (ósim 6,6 myń bos oryn nemese 109%) Almaty oblysy kóshbasshy boldy.

«Ekinshi jaǵynan, bos jumys oryndary sııaqty, jumys izdeýshiler belsendiliginiń eń kóp tómendeýi Almaty qalasynda (-24%) jáne Mańǵystaý oblysynda (-21%) baıqalady. Sonymen qatar, túıindemeniń eń kóp ósimi Aqmola (+40%) jáne Soltústik Qazaqstan (+39%) oblystarynda boldy, olarda basqa óńirlermen salystyrǵanda jalpy túıindemelerdiń eń az sany baıqalady – tıisinshe 1,6 myń jáne 2 myń», - delingen ortalyq málimetinde.

Munymen qosa, bilikti mamandar arasynda túıindeme men bos jumys oryndaryn salystyrý kezinde ıntervıýerlermen qatar, kúzetshiler (504 túıindeme jáne 2,3 myń bos jumys orny), avtokólik júrgizýshileri (948 túıindeme jáne 2 myń bos jumys orny), sondaı-aq tárbıeshiler (1,3 myń túıindeme jáne 2,3 myń bos jumys orny) jetispeıdi. Biliktilikti talap etpeıtin kásipter arasynda kómekshi jumyskerler, júk tıeýshiler, ártúrli jumystardy oryndaıtyn jumysshylar, as úı qyzmetkerleri jáne mektepterdegi tazalaýshylar tapshy.

Budan buryn habarlanǵandaı, qyrkúıek aıynda bilim berý salasyndaǵy mamandarǵa degen suranys artyp otyr. 18 myńnan astam bos jumys orny tikelip, bul mektepterde, kolledjderde jáne JOO-larda dástúrli oqytý formatyna qaıta oralýǵa baılanysty qalyptasty.



Joǵary qaraı