Aýa raıy
Astana -25 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qyrkúıekten bastap JOO oqytýshylarynyń jalaqysy 20-30 paıyzǵa ósedi

2020 jyldyń 28 shilde 2020 13:04

NUR-SULTAN. QazAqparat – Bıylǵy oqý jylynda JOO professorlyq-oqytýshylyq quramnyń eńbekaqysy 20-30 paıyzǵa artady, dep habarlaıdy QazAqparat tilshisi.

Tıisti tapsyrmany QR Bilim jáne ǵylym mınıstri Ashat Aımaǵambetov 1 qyrkúıekten bastap júzege asyrýdy tapsyrdy.

«Ulttyq senim keńesiniń otyrysynda Memleket basshysy JOO oqytýshylarynyń jalaqysyn kóterý boıynsha tapsyrma bergen bolatyn. Jalpy mınıstrlikke qarasty JOO oqytýshylarynyń jalaqysyn kóterýimiz kerek. Bul máseleni sizdermen talqylaǵan bolatynbyz. Bul jaı kótergen másele emes. Sizderdiń bıýdjetterińiz boıynsha tıisti mamandar taldaý jumystary júrgizildi, sonyń nátıjesinde osyndaı múmkindik bar ekenin kórip otyrmyz. Sondyqtan, osy máseleni 1 qyrkúıekten júzege asyrýdy tapsyramyn», - dedi mınıstr vedomstvo apparatynyń onlaın jınalysynda.

Sonymen birge mınıstr JOO-daǵy grant qunyn ósirý týraly Úkimet qaýlysy qabyldanǵanyn, bul sharanyń oqytýshylardyń jalaqysyn ósirýge, materıaldyq-tehnıkalyq bazany nyǵaıtýǵa múmkindik beretinin atap ótti.

«Ótken jyly – 2019-2020 oqý jylynda barlyq oqý oryndary jalaqyny orta eseppen 20 paıyzǵa kótergen bolatyn. Al 2020-2021 oqý jylynda oqytýshylar jalaqysyn shamamen 21-32 paıyzǵa deıin kóterý kútilýde. Bul baǵyt boıynsha barlyq JOO jumys istep jatyr», - dedi QR BǴM joǵary jáne joǵary oqý ornynan keıingi bilim departamentiniń dırektory Ádilet Toıbaev.

Eske salsaq, osy jyldyń mamyr aıynda Qazaqstan Prezıdenti Qasym-Jomart Toqaev Úkimetke JOO oqytýshylarynyń eńbekaqysyn kóbeıtýdi tapsyrǵan bolatyn.



Joǵary qaraı