Qysqy qolǵap koronavırýstan qorǵaı ma
ALMATY. QazAqparat - S.Asfendııarov atyndaǵy QazUMÝ ımmýnologııa kafedrasynyń meńgerýshisi Elmıra Bıtanova onlaın-brıfıng barysynda qysqy qolǵaptyń koronavırýstan qorǵaýyna qatysty pikirlerge jaýap berdi, dep habarlaıdy QazAqparat tilshisi.
Buǵan deıin sheteldik mamandar osyndaı zertteý nátıjesin jarııalaǵan bolatyn.
«Vırýstyń turmystyq zattardyń ústinde uzaq saqtalatyny anyqtaldy. Onyń ishinde kólikte de vırýs qalady. Eger adam qoǵamdyq kólikte qoldanǵan qolǵappen murnyn, betin, maskasyn ustamasa, úıiniń esigin ashpasa, onda vırýs juqpaıdy. Alaıda, qol jýý - vırýsty juqtyrmaýdyń eń tıimdi tásili. Al biz qolǵapty jıi jýmaımyz, aýystyrmaımyz. Qolǵap qysqy ma, álde kúzgi me - ol mańyzdy emes», - dedi spıker.
Buǵan deıin ımmýnolog maman álemde jappaı vaktsına qashan bastalatynyn aıtqan bolatyn.
