Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qysqy Olımpıadadaǵy Qazaqstan komandasynyń formasy qandaı

2022 jyldyń 20 qańtar 2022 16:41

NUR-SULTAN. QazAqparat - Ulttyq Olımpıadalyq komıtet 2022 jylǵy Beıjiń oıyndaryna arnalǵan Qazaqstan komandasynyń formasyn kópshilik nazaryna usyndy. Bul týraly QazAqparat olympic.kz saıtyna silteme jasap habarlaıdy.

Qazirgi Qazaqstan tarıhynda alǵash ret ekıpırovkadaǵy el ataýy qazaq tilinde «Qazaqstan» bolyp jazylady.

Olımpıadalyq komandaǵa arnalǵan sporttyq formany qazaqstandyq ZIBROO kompanııasy shyǵardy. Sherýge arnalǵan kollektsııany reseılik dızaıner, SHISHKIN brendiniń negizin qalaýshy Dmıtrıı Shıshkın daıyndaǵan. Eki óndirýshi eń joǵary talaptarǵa saı keletin, óndiristegi eko-sheshimdi qoldaıtyn jáne kıim dızaınynyń álemdik trendin qoldanatyn ortaq olımpıadalyq epıkırovka kollektsııasyn usyndy.




Qazaqstan quramasynyń olımpıadalyq ekıpırovkasyn daıyndaýǵa bir jyldan asa ýaqyt ketti. Kıimdi daıyndaý protsesine atletterdiń ózderi qatysty. Olar formanyń dızaıny, sapasy men fýnktsıonalyna qatysty óz usynystaryn bildirgen.

«Bir aptadan soń Qazaqstannyń olımpıadalyq quramasy Qytaıǵa ushyp ketedi. Al 4 aqpan kúni tórtjyldyqtyń basty dodasy – qysqy Olımpıada bastalady. Tokıo qarsańyndaǵy sekildi, bul oıyn bastalardan buryn da biz olımpıadalyq ekıpırovkany daıyndaý kezinde sportshylardyń usynys-tilegin eskerdik. Biz úshin Olımpıada oıyndarynda sportshylarǵa osy formanyń yńǵaıly, qolaıly jáne sándi sezingenderi mańyzdy. Al mata men tigistiń eń joǵarǵy talapqa saı bolatyny sózsiz», - deıdi UOK bas hatshysy Andreı Krıýkov.

Qysqy oıyndarǵa arnalǵan olımpıadalyq formanyń tanystyrylymyna jazǵy sport túrleriniń ókilderi, atap aıtar bolsaq, Tokıo Olımpıadasynyń júldegerleri Qamshybek Qońqabaev, Sáken Bıbosynov pen Sofıa Berýltseva qatysty.

Osylaısha, jazǵy sport túrindegi atletter qysqy Olımpıadaǵa attanatyn sportshylarǵa qoldaý kórsetip, olımpıadalyq quramanyń «Bir el – bir komanda» uranyn taǵy bir naqtylap otyr. Sondaı-aq, fotosessııaǵa dzıýdoshylar Jansaı Smaǵulov pen Aqmaral Naýatbek, bokstan erler komandasynyń kapıtany Abylaıhan Júsipov, gımnast Arýjan Qasenova men «Barys» hokkeıshisi Samat Danııar qatysty.




«Bizdiń komandamyzdyń olımpıadalyq formasynyń tanystyrylymyna qýana qatystym. Sporttyq kúntizbemizdegi aıyrmashylyqtarǵa baılanysty qysqy sport túrindegi atlettermen jıi kezdespesek te, olardyń bizge kórsetken qoldaýyn umytqan emespiz. Tıisinshe, biz de Olımpıada kezinde otandastarymyzdyń basty jankúıeri bolamyz.

Óıtkeni, biz bir komandanyń – Qazaqstan quramasynyń namysyn qorǵaımyz. Formaǵa keler bolsaq, sapasy qatty unady. Kúrtesheler jeńil ári jyly, dızaıny da jınaqy. Qazaqstan sóziniń «Q»arqyly, ıaǵnı, qazaqsha jazylǵany kóńilge jyly tıedi eken. Bul forma Beıjińge attanatyn barlyq sportshymyzǵa da unaıtynyna senimdimin. Olımpıada oıyndarynda barlyǵyna shyn júrekten sáttilik tileımin», - dedi bokstan Tokıo Olımpıadasynyń júldegeri, álem chempıony Sáken Bıbosynov.




«Formanyń tanystyrylymyna shaqyrtý alǵanymda tań qaldym ári qýandym. Óıtkeni, qysqy sporttaǵy atletterimizdiń nátıjesin únemi qadaǵalap júremin. Bir kún boıy ózimizdi model sezindik. Mundaı qyzyq jobaǵa qatysý men úshin úlken tájirıbe. Forma qatty unady, túsi de, epıkırovkanyń sapasy da qýantady. Óte jyly ári denege jaqsy turady. Sportshylar jabyq ǵımarattarda da, úlken stadıondarda da ózderin yńǵaıly sezinetini anyq. Aıtpaqshy, olardyń eń stıldi bolatynyna da kúmánim joq. Aldaǵy eń mańyzdy jarysta qazaqstandyq komandaǵa sáttilik tileımin. Alǵa!», - dedi Tokıo Olımpıadasynyń júldegeri, karateshi Sofıa Berýltseva.

Pandemııa kezinde jeńil ónerkásip basqa da salalar sekildi búkil álem boıynsha kedergilerge tap boldy. Taýardy jetkizý logıstıkasy buzyldy, tipti, álemdegi eń úlken brendterdiń ózi kıimdi burynǵydaı merzimde, burynǵydaı kólemde shyǵara almaıdy. Sondyqtan, jetkizýshini tańdaý kezindegi basty talap – senimdilik, tigin ónerkásibindegi aldyńǵy tehnologııalardy paıdalaný, odan bólek, kıimdi daıyndaýdaǵy tolyq óndiristik tsıkl bolatyn.




Sherýge arnalǵan formany tigý kóptegen jyldar boıy iri kompanııalarmen, fýtbol jáne hokkeı klýbtarymen jumys isteıtin, sondaı-aq, FISCHER kompanııasyna arnap Eýropaǵa taý shańǵysy ekıpırovkasyn eksporttaıtyn «SHISHKIN tigin manýfaktýrasyna» senip tapsyryldy.

Dızaınerler bul jobaǵa tolyqqandy daıyndaldy, Qazaqstannyń mádenı erekshelikteri men álemdik sán trendindegi mańyzdy jaıttardy saraptady. Kıimdegi jazýǵa biregeı shrıft tańdaldy. Jarysty qabyldaýshy eldiń dástúrleri de nazardan tys qalǵan joq. Olımpıada ótetin jyl sý jolbarysy jylymen sáıkes keledi, al shyǵys kúntizbesi boıynsha 2022 jylǵy tús «talaptaryna» aspan kók, qara jáne aq tús sáıkes keledi. Beıjińde Qazaqstan komandasy birtutas oılastyrylǵan jıyntyqqa ıe bolady.




Kıim Qytaıdaǵy qysqy klımatqa arnaıy oılastyrylǵan. Munda temperatýra keı kezderi 20 gradýstan da tómendeıdi. Sondyqtan, syrtqy kıim tabıǵı qazdyń júnimen tolyqtyrylǵan, jylýdy saqtap, sýyqty ótkizbeıtin zamanaýı jarǵaqtyq materıaldar qoldanylǵan. Kólemine qaramastan, kıimniń salmaǵy az, óte ıilimdi jáne erkin qozǵalýǵa yńǵaıly. Dızaınerlerdiń paıymynsha, olımpıadashylar bul formany sportttyq arenadan basqa jerlerge de kıe alady.

Qysqy Olımpıada oıyndary 4 aqpan kúni Beıjińde bastalyp, 20 aqpanǵa deıin sozylady. Qazaqstan komandasy sporttyń segiz túrinen baq synaıdy.

















Basty sózder: Olımpıada, Sport,
Joǵary qaraı