Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaı 3 jastan asqan balalardy koronavırýsqa qarsy ege bastaıdy

2021 jyldyń 26 qazan 2021 16:43

TAIBEI. QazAqparat – Qytaıda koronavırýsqa qarsy ekpeni 3 jastan asqan balalarǵa sala bastaıdy. El bıligi ınfektsııanyń órshýine basqa saıasat ustana alar emes. Búginde Qytaı halqynyń 76% koronavırýs vaktsınasyn tolyqtaı saldyrǵan, dep habarlaıdy QazAqparat AR-ǵa silteme jasap.

Qytaı koronavırýsqa qarsy vaktsınany erte jastan ege bastaıtyn sanaýly elder qataryna endi. Máselen, Kýba 2 jastan bastap vaktsınalaı bastady. AQSh pen Eýropanyń kóptegen elderi COVID-19-ǵa qarsy vaktsınany 12 jastan asqan balalarǵa salýǵa ruqsat berdi. AQSh balalarǵa 5 jastan bastap vaktsına salýdy qarastyryp jatyr.

Qytaıdyń bes provıntsııasynda jergilikti bılik organdary 3-11 jas aralyǵyndaǵy balalarǵa vaktsına salý kerektigin málimdedi. Bul shara Qytaıdyń keıbir bóliginde jańa qatań sharalar engizýge baılanysty qabydanýda.

Ekonomıkasy týrızmge tikeleı qatysty Qytaıdyń soltústik-batysyndaǵy Gansý provıntsııasynda barlyq týrıstik nysandar KVI-diń órshýine baılanysty jabyldy. 1,4 mıllıard turǵyny bar elde halyqtyń 1,07 mıllıardy koronavırýsqa qarsy vaktsına ektirgen.

El úkimeti koronavırýstyń keń taralatyn delta shtamynyń saıahattaýshylar arasynda taralýyna alańdap otyr. Beıjińdegi 2022 jylǵy qysqy Olımpıada oıyndaryna sheteldik jankúıerler qatysa almaýy múmkin.

Málimetterge sáıkes, Qytaıda keńinen taralǵan Sinopharm jáne Sinovac vaktsınalary vırýstyń taralýy men aýrýdyń aýyr túriniń aldyn alýyna septigin tıgizip otyr.

Hýbeı, Fýtszıan jáne Haınan provıntsııalary, sondaı-aq Chjetszıan jáne Hýnan provıntsııalaryndaǵy jekelegen qalalar vaktsınatsııanyń jańa talaptaryn jarııalady. Maýsym aıynda Qytaı eki vaktsınany – Beıjiń bıologııalyq ónimder ınstıtýtynyń Sinopharm jáne Sinovac vaktsınalaryn 3 jastan 17 jasqa deıingi balalarǵa qoldanýǵa ruqsat berdi. Biraq vaktsınatsııa tek 12 jastan asqan balalarǵa ǵana jasalady. Tamyz aıynda retteýshi organdar Ýhan bıologııalyq ónimder ınstıtýty jasaǵan taǵy bir Sinopharm vaktsınasyn maquldady. Qytaıdaǵy balalarǵa vaktsınalar maquldanǵannan keıin, sheteldik úkimetter óz elderindegi balalarǵa vaktsına sala bastady. Kambodja Sinovac jáne Sinopharm vaktsınalaryn 6-11 jas aralyǵyndaǵy balalarǵa, Chılı 6 jastan asqan, Argentına 3 jastan asqan balalarǵa egýdi bastady.

Qytaı syrtqy ister mınıstrliginiń málimetinshe, bul el 1,2 mlrd vaktsına dozasyn jibergen.


Joǵary qaraı