Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qytaı bıligi Reseımen shekaralas qalada lokdaýn engizdi

2020 jyldyń 22 qarasha 2020 18:55

NUR-SULTAN. QazAqparat - Qytaıda Reseıdiń Zabaıkalsk ólkesimen shektesetin Іshki Mońǵolııa (ІMAA, Soltústik-Shyǵys Qytaı) avtonomııalyq aýdanynyń Manchjoýlı qalasynda ishinara lokdaýn engizildi, dep habarlaıdy QazAqparat COVID-19 indetiniń aldyn alý jáne baqylaý jónindegi mýnıtsıpaldy jedel shtabtyń málimdemesine silteme jasap.

Ótken senbide Manchjoýlıde jergilikti koronavırýs ınfektsııasynyń eki jańa jaǵdaıy tirkeldi. COVID-19 juqtyrǵandar anyqtalǵan Manchjoýlı qalasy tolyǵymen jabyldy.

Qalada jappaı is-sharalarǵa tyıym salyndy, mektepter men balabaqshalar ýaqytsha jabyldy.

Manchjoýlı ákimshiligi osy jeksenbiden bastap qala turǵyndaryn jappaı testileý naýqanyn bastaıdy, olardyń sany 170 myńnan asady. Testileý úsh kún ishinde aıaqtalýy kerek.

Qytaı-Reseı shekarasyndaǵy mańyzdy qurlyqtaǵy logıstıkalyq ortalyq sanalatyn Manchjoýlı qalasymen jolaýshylar temirjol qatynasy ýaqytsha toqtatyldy.

Jalpy, ótken táýlikte materıktik Qytaıda 17 adam koronavırýs juqtyrdy. Onyń úsheýi jergilikti, 14-i shetelden kelgen adam.


Basty sózder: Koronavırýs, Qytaı, Oqıǵa, Álem,
Joǵary qaraı