Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaı elinde turatyn talantty qazaq balalary - Sheteldegi qazaq tildi BAQ-qa sholý

2021 jyldyń 6 maýsym 2021 11:02

NUR-SULTAN. QazAqparat- «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Úlgili órenderimiz kóbeıe bersin! - CNR

1 maýsym – Halyqaralyq balalardy qorǵaý kúni ár úıdiń áldı áni, otbasynyń qyzyǵy, ata-ananyń júregi, ómirimizdiń izi, úmiti bolǵan barlyq balalarymyzǵa zor densaýlyq, baqyt, ár kúnderine shattyq tileımiz, dep jazady qytaılyq kazakcnr.com saıty.

«Adam ómiriniń óshpes alaýy, máńgilik janyp turǵan shyraǵy, adamdyq ardyń aınasy, adam ómiriniń kóktemi, adam kóńiliniń kórki, ata-ana mahabbatynyń ashylǵan gúl sheshegi, ata-ana maqtanyshy ári baqyty, bolashaqtyń ıesi, adamzat tarıhyn máńgilik jalǵastyrýshy, adamzat ómiriniń sarqylmas káýsar bulaǵy bolǵan baldyrǵandarymyzdyń merekesimen quttyqtaımyz. Osyndaı shattyqqa toly mereıli sátte, ózderiniń dara talantymen, ónerimen óz qurbylaryna úlgi-ónege kórsetip júrgen ónerli balalardy mereke baılanysymen oqyrmandarymyzǵa tanystyra ketýdi jón kórdik. Úlgili órenderimizdiń qatary kóbeıe bersin degen aq tilektemiz!», -dep jazady CNR saıty.

Sonymen birge atalǵan BAQ Qytaı elinde turatyn qandastarymyzdyń arasynan shyqqan bir top ónerli balalardyń jetistigine sholý jasaǵan.




Nadııa Serikqyzy - Qytaıdyń «Kúnbaǵys» VI respýblıkalyq jasóspirimder án-bı baıqaýynda altyn medalmen marapattalǵan. Halyqaralyq balalar sán álemi baıqaýynda úzdik model syılyǵyn jeńip alǵan.




Daryn Qaısaruly – Shyńjań ólkesinde ótken «Til sulýlyǵy» atty mánerlep oqý saıysynyń jáne «Meniń armanym» taqyrybyndaǵy balalar arasynda ótken úzdik dıktor baıqaýynyń júldeger atanǵan.




Symbat Mádıqyzy - Beıjińde ótken XII Qytaı halyqaralyq jastar men jasóspirimderdiń kórkómóner festıvalinde «Saharanyń sáni» atty bıi altyn medal enshilegen. Sonymen birge Shyńjań ólkesinde ótken óner baıqaýynda «Bolashaq juldyz» atty bıi bas júlde alǵan.




Baýra Muratqyzy – Qytaıdyń XX respýblıkalyq jasóspirimder sýret baıqaýynda «Eńbekshil» atty týyndysy altyn medal enshilegen.




Aqnar Berikuly – 2017 jyly «Bala juldyz armany», «Ónerli bala» sekildi telabaıqaýlarda dombyrada kúı shertip, altyn medalmen marapattalǵan.

Júsip ata shejiresi túrik tiline aýdarylady - TRT

Qoja Ahmet ıAsaýıdiń jıeni Júsip atanyń tarıhyna qatysty shejireniń bir bóligi men arnaıy mór basylǵan qujattar túrik tiline aýdarylady, dep habarlaıdy Túrkııa Radıo Televızııa portaly.




«Ǵasyrlarǵa kýá bolǵan osy qujattardy Túrik yntymaqtastyq jáne úılestirý agenttigi basyp shyǵarady. TIKA men «Áziret Sultan» memlekettik tarıhı-mádenı qoryq-mýzeıi arasynda yntymaqtastyq memorandýmyna qol qoıyldy. Kelisim sheńberinde túrik áleminiń rýhanı kósemi Qoja Ahmet ıAssaýıdiń jıeni jáne shákirti Júsip atanyń 3,5 metrlik shejiresi restavratsııadan ótedi, túrik tiline aýdarylyp, kitap bolyp basylyp shyǵady. TIKA-nyń Qazaqstandaǵy koordınatory Ismaıl Gúrlek shaǵataı tilinde jazylǵan osy qujattyń Túrkııada qoljazbalar ınstıtýtynda zertteletinin aıtty», - dep jazady TRT.

Mońǵolııa 1 maýsymnan bastap shekarasyn ashty - KAZNEWS

Mońǵolııa 1 maýsymnan bastap shekarasyn ashty. Bul týraly Úkimettiń baspasóz qyzmetiniń bastyǵy Ts.Chınzorıg habarlady, dep jazady Mońǵolııanyń Kaznews aqparattyq portaly.




«Mońǵolııa 2021 jyldyń 1 maýsymynan bastap óz shekarasy ashty. Nátıjesinde el azamattary Túrkııa, AQSh, Birikken Arab Ámirlikteri, Grekııa, Qyrǵyzstan, Taılandııa, Brazılııa, Egıpet jáne Úndistan qatarly onnan astam elge bara alady. Aldaǵy ýaqytta Mońǵolııa azamattary erkin saıahattaıtyn elder sanyn kóbeıtý maqsatynda Mońǵolııa Úkimeti tarapynan koronavırýsqa qarsy vaktsınatsııalanǵan azamattarǵa vaktsına saldyrǵanyn rastaıtyn kýálik berip, ony senimdi dep taný úshin Qytaı, Reseı, Ońtústik Koreıa, Qazaqstan Respýblıkasy, Majarstan jáne ózge Eýropa elderimen dıplomatııalyq kelissózder júrgizip jatqanyn habarlady», - dep jazdy Kaznews.

Qazaqstandyq delegatsııa Tóle bı kesenesin zııarat etti - «ÓzA» aqparattyq agenttigi

«Qazaqstan Respýblıkasy Parlamenti Senatynyń tóraǵasy Máýlen Áshimbaev bastaǵan delegatsııa músheleri Tashkenttegi Tóle bı kesenesin zııarat etti. Budan bólek delegatsııa músheleri «Haziret Imam» keshenine de bardy», - dep jazady Ózbekstannyń «ÓzA» memlekettik aqparattyq agenttigi.








Joǵary qaraı