Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Qytaı Qazaqstanǵa strategııalyq áriptes retinde qaraıdy - Berik Ýálı

2019 jyldyń 13 qyrkúıek 2019 17:52

NUR-SULTAN. QazAqparat - Qytaı Qazaqstanǵa strategııalyq áriptes retinde qaraıdy. Bul týraly QR Prezıdentiniń baspasóz hatshysy Berik Ýálı aıtty, dep habarlaıdy QazAqparat tilshisi.

«Jalpy, Qytaı joǵary tehnologııa ónimderin óndirý boıynsha jahandyq deńgeıde kóshbasshy sanalady. Ony moıyndaýymyz kerek. Keshegi sapary barysynda oǵan ózimiz de kóz jetkizdik. Onyń ústine álemdegi ekonomıkasy damyǵan ekinshi el sanalady. Osyndaı áleýeti myqty kórshimen aralaspaı, shekarany jaýyp otyrý múmkin de emes. Muny barlyǵyńyz jaqsy bilesizder. Sol sebepti mynany túsinýimiz kerek dep oılaımyn, Qytaı bizge óziniń ıdeologııalyq saıasatyn júrgizip, tańyp, qandaı da bir basqasha quıtyrqy oıyn jasap otyrǵan joq», - dedi ol.

QR Prezıdenti baspasóz hatshysynyń aıtýynsha, qaıta biz olardyń jańa tehnologııalaryn kúndelikti ómirde paıdalanýǵa, ınnovatsııalyq jańalyqtaryn óndiris oryndaryna engizýge múddelimiz.

«Sonymen qatar Prezıdentimiz Qasym-Jomart Toqaevtyń tsıfrlyq ekonomıkaǵa kóshý tapsyrmasyna sáıkes qytaı tájirıbesine súıený de mańyzdy mindet dep esepteımiz. Qytaı Qazaqstannyń jerine eshqashan da kóz alartyp qaramaıdy. Bizdiń terrıtorııalyq tutastyǵymyzdy tolyq moıyndap otyr. Qazaqstanǵa tek strategııalyq áriptes retinde qaraıdy. Onyń negizgi maqsaty - saýda jasaý. Saýda arqyly paıda tabý. Álemniń qaı túkpirinde júrmesin, bul - olardyń basty muraty, maqsaty», - dedi Berik Ýálı.

Joǵary qaraı