Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaı koronavırýs epıdemııasy týraly jasyrǵan ba – stopfake anyqtady

2021 jyldyń 14 qazan 2021 10:05

NUR-SULTAN. QazAqparat – Áleýmettik jelilerde koronavırýsqa shaldyqqan alǵashqy naýqas týraly álemge jarııalanǵan kezde Qytaıda indet órship turǵany týraly habarlama tarady. Aqparatqa sáıkes, koronavırýs epıdemııasy Qytaıda 2019 jyly jazda bastalyp ketken. Sebebi osy ýaqytta el bıliginiń PTR-synaqqa jumsaǵan shyǵyny kúrt artqan. Avstralııalyq-amerıkalyq kıberqaýipsizdik jónindegi kompanııa jınalǵan málimetter negizinde osyndaı qorytyndy jasap otyr, dep habarlaıdy QazAqparat stopfake.kz saıtyna silteme jasap.





Sarapshylardyń pikirinshe, epıdemııa erterek bastalǵanyn aıtý úshin bul málimetter jetkiliksiz.

Kıberqaýipsizdik jónindegi kompanııanyń zertteýine sáıkes, Hýbeı provıntsııasynda 2019 jyly jazda PTR testileý jabdyqtaryn satyp alýdyń kúrt óskeni baıqaldy. Vırýs juqtyrýdyń alǵashqy jaǵdaılary tirkelgen Ýhan qalasy osy provıntsııada ornalasqan. «Internet 2.0» kompanııasynyń zertteýi negizinde «pandemııa Qytaı Dúnıejúzilik densaýlyq saqtaý uıymyn COVID-19 týraly habarlaǵannan áldeqaıda erterek bastaldy» degen qorytyndy jasalǵan.

Medıtsınalyq sarapshylar BAQ-ta osy másele boıynsha pikirlerin bildirdi. Olardyń aıtýynsha, Internet 2.0 esebinde mundaı qorytyndy jasaý úshin aqparat jetkiliksiz, óıtkeni PTR zertteý ádisi ondaǵan jyldar boıy qoldanylyp keledi jáne jyl saıyn keńinen paıdalanylýda. Jabdyq kóptegen zamanaýı aýrýhanalar men zerthanalarda adamdarda ǵana emes, janýarlarda da kóptegen basqa qozdyrǵyshtardy synaý úshin qoldanylady.

2019 jyly Qytaıda afrıkalyq shoshqa obasy órship turǵanyn aıta keteıik.

Djons Hopkıns Densaýlyq saqtaý ortalyǵynyń aǵa ǵylymı qyzmetkeri doktor Amesh Adalıa PTR testileý «patogenderdi anyqtaý ádisine» aınalǵandyqtan PTR jabdyqtaryn satyp alý COVID-ke deıin de artqanyn aıtty.

Qytaı Syrtqy ister mınıstrligi «Internet 2.0» kompanııasynyń qorytyndylarymen kelispeıdi.

«Vırýstardy baqylaý – ǵalymdar aınalysýy tıis mańyzdy ǵylymı másele. … Qytaılyq indetke qarsy naýqan barsha álemge belgili, bári aıqyn, faktiler ýaqyt pen tarıhtyń synaqtaryna tótep berýde», – dep túsindirdi QHR SІM baspasóz hatshysy Bloomberg-ke.

Demek, COVID-19 pandemııasy 2019 jyly jazda bastalǵany týraly tujyrym – dálelsiz.

Sondaı-aq, áleýmettik jelilerde taratylǵan habarlamada 2018 jyly Ýhan ınstıtýtynyń vırýsologtary basqa koronavırýstardyń bólshekterinen turatyn vırýsty qoldan jasap, odan keıin oǵan qarsy vaktsına ázirlemek bolǵany aıtylady. Bul – jalǵan málimdeme.

SARS-CoV-2 tabıǵı vırýs ekeni zertteýlermen rastalǵan, búgingi kúni onyń zerthanada jasalǵanyna naqty dálelder joq. Ol alǵash ret 2019 jyly jeltoqsanda pnevmonııamen aýyrǵan naýqasta nýkleın qyshqylyn taldaý nátıjesinde anyqtaldy.


Joǵary qaraı