Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qytaı orbıtaǵa úsh spýtnık ushyrdy

2020 jyldyń 17 maýsym 2020 21:06

NUR- SULTAN. QazAqparat – Bortynda úsh spýtnıgi bar «Chanchjen-2D» tasymaldaýshy zymyrany Qytaıdyń Gansý provıntsııasyndaǵy «Tszıýtsıýan» ǵarysh aılaǵynan ushty, dep habarlaıdy QazAqparat tilshisi Sınhýa agenttigine silteme jasap.

Qytaı ǵarysh ǵylymy jáne tehnıkasy korporatsııasynyń (CASC) habarlaýynsha, zymyran sársenbi kúni, ıaǵnı búgin jergilikti ýaqytpen 15.19-da (Nur-Sultan ýaqytymen 13.19) ushyryldy. Quramynda «Gaofen-9» Jerdi qashyqtan zondtaý spýtnıgi (JQZ) bar úsh spýtnık te orbıtaǵa sátti shyǵaryldy.

«Gaofen-9» JQZ spýtnıgi Jerdiń betki qabatyn baqylaý, qalany josparlaý, aýylsharýashylyǵy qajettiligin anyqtaý, tabıǵı apattardy boljaý úshin paıdalanylady. Oǵan qosa spýtnık «Bir beldeý, bir jol» bastamasy men ulttyq qaýipsizdikti jańartý syndy iri ulttyq jobalardy júzege asyrý úshin aqparatpen qamtamasyz etip otyrady.

«Hede-5» spýtnıgin China Head Aerospace Technology Beıjiń kompanııasy jasap shyǵardy. Ol keme isi men navıgatsııa qajettilikteri úshin qoldanylady.

Úshinshi «Pısın-3A» spýtnıgin baqylaý jaýap bergishi jáne spýtnıktiń elektrondyq júıeleri sııaqty spýtnıktik tehnologııalardy zertteý úshin ázirledi.


Basty sózder: Ǵarysh, Qytaı, Álem,
Joǵary qaraı