Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Qytaıda avtobýs kólge qulap, 21 adam mert boldy

2020 jyldyń 8 shilde 2020 11:29

BEIJІŃ. Xinhua – QazAqparat – Qytaıdyń Gýıchjoý provıntsııasynyń ońtústik-batysyndaǵy Anshýn qalasynda avtobýs kólge qulap, 21 adam mert boldy. Taǵy 16-sy zardap shekti, dep habarlaıdy QazAqparat Xinhua agenttigine silteme jasap.

Oqıǵa seısenbi kúni tústen keıin bolǵan. Avtobýs qorshaýǵa soǵylyp, Hýnshan kóline qulap ketken.

Anshýn qalalyq tótenshe jaǵdaılar jónindegi mýnıtsıpaldyq basqarmanyń habarlaýynsha, qulaǵan avtobýstan 37 adam shyǵarylǵan. Avtobýs júrgizýshisin qosa alǵanda, olardyń 20-sy mert bolǵan. Taǵy bir jolaýshy aýrýhanada kóz jumdy. 16 jolaýshy ártúrli dárejede jaraqat aldy.




Jergilikti qutqarý qyzmetiniń málimetinshe, avtobýs kólden shyǵaryldy. 1 100-den astam qutqarýshy joǵalǵan jolaýshylardy áli de izdestirýde.

Oqıǵanyń mán-jaıy tekserilip jatyr.


Basty sózder: Álem, Qytaı,
Joǵary qaraı