Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıda kınojuldyzǵa aınalǵan Rıza Álimjanqyzy - Sheteldegi qazaqtildi BAQ-qa sholý

2021 jyldyń 21 aqpan 2021 12:00

NUR-SULTAN. QazAqparat - «QazAqparat» halyqaralyq aqparat agenttigi sheteldegi qazaq tilinde taraıtyn aqparat kózderine aptalyq sholýyn usynady.

Qytaıda kıno juldyzyna aınalǵan Rıza Álimjanqyzy - CNR

Qytaıdyń kazakcnr.com saıtynda sol elde óner órinde mıllıondaǵan básekelesteriniń aldyn orap, talantymen talaıdy tańdaı qaqtyryp júrgen qandasymyz, belgili aktrısa Rıza Álimjanqyzy týraly maqala jaryq kórdi.

Atalǵan maqaladaǵy derekterge súıensek, Qytaıda ónerimen kórermen kózaıymyna aınalǵan Rıza Álimjanqyzy kıno salasynda Reyizha Alimjan nemese Rayza degen esimimen tanymal bolǵan.





Ol 1986 jyly 15 shildede Beıjiń qalasynda dúnıege kelgen. Ákesi Álimjan Nurǵazyuly men anasy Zaıymhan Beıjiń qalasyndaǵy ortalyq ulttar baspasynyń qazaq redaktsııasynda jumys isteıdi.

Olar 1970 jyldary Shyńjannan Beıjińge stýdent bolyp baryp, jumys istep, qonystanyp qalǵan eken.

«Rıza Beıjińde alǵash mektepke barǵanda synyptastary túr-sıpaty ózderinen ózgeshe, erekshe balaǵa jatyrqap qarap, Shyńjan ólkesinen kelgenin bilip, «káýapshy» (shashylyq pisirýshi) dep at qoıǵan. Muny túsine almaǵan Rıza anasynan sebebin suraǵanda, anasy «balam, tek oqýyńdy jaqsy oqy, bilimdi, jaqsy bala bolsań, eldiń barlyǵy saǵan qurmetpen qaraıtyn bolady» deıdi. Bul sóz onyń jigerin janyp, jan-jaqty talaptanýyna oń áserin tıgizedi» dep jazylǵan maqalada.

Atalǵan jazbanyń dereginshe, Rıza án aıtýǵa, kitap oqýǵa yntaly bolýymen birge, mektepte sabaǵyn da úzdik oqyǵan.

Ol 15 jasynda modeldik álemge kezdeısoq qadam basyp, tanymal «Ruili» sán jýrnaly uıymdastyrǵan baıqaýǵa qatysyp júldeger atanady.

Osylaısha Rıza «Ruili» jýrnalynyń tarıhyndaǵy muqabasyna sýreti basylǵan eń jas model bolýmen birge, 3 jyl osy basylymda kelisimshartpen jumys isteıdi.

Áıtsede, Rıza model bolýdan kóri akter bolýǵa yntaly bolyp, 2002 jyly Beıjiń kıno akademııasynyń akterlik fakýltetine oqýǵa túsedi.





Ol kásibı bilim alyp, oqýyn aıaqtaǵan soń «Kartańyzdy ashyńyz» fılmine túsip, kıno ındýstrııasyndaǵy tuńǵysh óner saparyn bastaıdy.

Osydan keıin talanytty qandasymyz aýdıtorııasy úlken Qytaıdyń kıno ındýstrııasyna qulash uryp, óz qoltańbasymen kórermen yqylasyna bólengen kóptegen fılmderge túsedi. Ol komedııalyq «Sýaıttar shaıqasy» kınosynda, patsha ordasyndaǵy qyryqpyshaq bolyp qyrylysyp jatatyn kúndes hanymdar týraly «Garemdegi Chjýan Hýannyń ómiri» telehıkaıasynda, búgingi qala ómirindegi mahabbat taqyryby arqaý bolǵan «Mahabbat pa, oǵan men daıyn» telefılminde jáne «Mahabbat buıryqtan asa almaıdy», «Biz ǵana biletin meken» («Somewhere Only We Know»), «Shyndyq aıtylmaıtyn aımaq», «Qarly daladaǵy áıel patsha», «Qýǵyndaý» sekildi kóptegen fılmde rólin sátti somdap shyǵady.





Rıza 2017 jyly «Qýǵyndaý» fılimindegi róli úshin XX Shanhaı halyqaralyq kıno festıvalinde «BAQ-tyń nazaryn jıi aýdarǵan aktrısa» nomınatsııasynda marapattalady.

Al, 2019 jyly «Chańandaǵy bir táýlik» atty telefılmindegi róli úshin Qytaıdyń Huading baıqaýynda eń «úzdik aktrısa» atanady.





Sondaı-aq, Rızanyń 2020 jyly túsken «Taý-teńizdeı mahabbat» fılmi 2021 jyldyń qańtar aıynda kórermenge jol tartyp, halyqtyń jaqsy baǵasyna ıe boldy.

«Al, Rıza sońǵy qýanyshty jańalyǵyn kópshilikpen Weibo jelisinde bólisip, óziniń ana atanyp, qyzy dúnıege kelgenin jarııalady» dep jazady atalǵan BAQ.

Tarıhı tulǵalardyń esimi qansha balaǵa qoıylǵan - Kaznews




Kaznews aqparat agenttigi mońǵolııada balaǵa qoıylǵan tarıhı tulǵalardyń esimine qysqasha zertteý jasap kórdi.

«Halyqtyń ardaqtysy bolǵan adamdardyń atyn qoıý – sol adamdardyń esimin umyttyrmaý, urpaqtyń esine salý sııaqty mańyzǵa ıe.

Statıstıkalyq málimetterge júginsek, Mońǵol halqy Temúújın esimin 7852 balaǵa, Súhbaatar esimin 4272, Mandýhaı esimin 1072 balaǵa, Bórte esimin 714 balaǵa, Shyńǵys esimin 648 balaǵa bergen.

Al, eldiń batys ólkesin meken etken qazaq halqy Jánibek esimin 419 balaǵa, Baýyrjan esimin 368 balaǵa, Nursultan esimin 316 balaǵa, Mustafa esimin 307 balaǵa, Ramazan esimin 224 balaǵa, Abaı esimin 83 balaǵa, Álıhan esimin 76 balaǵa, Muhamed esimin 66 balaǵa, Shyńǵys esimin 38 balaǵa bergen eken.

Elimizde sońǵy jyldary eń kóp qoıylǵan ul balanyń esimderi - Erasyl 419, Nurálı 414, Álı 335 bolsa, qyzdar arasynda - Ámına 2280 (mońǵol, qazaq), Arýjan 497, Janerke 496, Aızere 402, Aıarý 394, Mádına 390, Káýsar 344 kóp kezdesedi», - dep jazady KAZNEWS portaly.

Qańtarda 110 mıllıon dollarlyq teri eksportqa shyqty - TRT





Túrkııanyń teri jáne teri ónimderi sektorynda ótken aıda 110 mıllıon 259 myń dollarlyq eksport jasaldy, dep habarlaıdy Túrkııa Radıo Televızııa portaly .

«Túrkııa teri kásipornynyń eksportynda 69 mıllıon 859 myń dollarmen Ystanbul alǵashqy orynǵa shyqty. Bul - teri jáne teri ónimderi sektorynyń 63 paıyzy. Teri jáne teri ónimderi sektorynda eń kóp eksport jasalǵan el Germanııa boldy. Germanııaǵa ótken aı 10 mıllıon 330 myń dollarlyq eksport jasaldy. Reseı 8 mıllıon 858 myń dollarlyq eksportpen ekinshi, Italııa 5 mıllıon 487 myń dollarlyq eksportpen úshinshi oryndy ıeledi», - dep jazady TRT.

Hıýa qalasynda ıÝNESKO halyqaralyq mádenı forýmy ótedi - ÓzA





ıÝNESKO-nyń qoldaýymen Ózbekstannyń Hıýa qalasynda «Ortalyq Azııa órkenıetter toǵysynda» atty halyqaralyq mádenı forým ótedi, dep jazady Ózbekstannyń ÓzA memlekettik aqparat agenttigi.

«ıÝNESKO birneshe jyldar boıy Ortalyq Azııanyń ortaq tarıhy men mádenı murasyna nazar aýdaryp keledi. Osyǵan oraı uıymda «Jibek Joly» jobasy iske qosylyp, onda mádenıettiń, gastronomııanyń jáne sán óneriniń damýyndaǵy saýda joldarynyń biregeı toǵysýynyń róli týraly, sport oıyndarynyń taralýy, saıahatshylarǵa qaýip tóndiretin ınfektsııalar týraly kóbirek máálimetter bilýge múmkindik beredi. ıÝNESKO Hıýa qalasynda ótetin Halyqaralyq mádenı forýmyn «osy aımaqtyń jalpy mádenıeti men murasyn zertteýge jáne nasıhattaýǵa múmkindik beredi» dep sanaıdy», - dep jazady «ÓzA» agenttigi.

Qazaqstan Sochıde ótetin «Sırııa beıbitshiligi» kelissózine qatysady - Fars

Qazaqstan SІM-niń arnaıy ókili Reseıdiń shaqyrýymen Sochıde ótetin «Sırııa beıbitshiligi» atty on besinshi halyqaralyq kelissózge qatysady, dep jazady «Fars» aqparat agenttigi.

«BUU Bas hatshysynyń arnaıy ókili Geır Pedersen men Reseıdiń Prezıdentiniń Sırııa isteri jónindegi arnaıy ókili Aleksandr Lavrentev Qazaqstandaǵy «Sırııa beıbitshiligi» úderisiniń ilgerileýin oń baǵalap, kelissózdiń kelesi kezeńiniń Nur-Sultan qalasynda ótetinine úmit bildirdi» dep jazady Rarstoday.


Avtor Baqytjol Kákesh
Basty sózder: Qandastar, BAQ,
Joǵary qaraı