Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıdaǵy jer silkinisi 3 adamnyń ómirin qıdy, 60 adam jaraqat aldy

2021 jyldyń 16 qyrkúıek 2021 10:44

BEIJІŃ. QazAqparat – Qytaıdyń ońtústik-batysyndaǵy Sychýan provıntsııasynda bolǵan 6 baldyq jer silkinisinen 3 adam qaza tapty, 60-qa jýyq adam jaraqat aldy, dep habarlaıdy QazAqparattyń menshikti tilshisi.

QHR seısmologııa qyzmetiniń málimetinshe, jerasty dúmpýi beısenbi kúni jergilikti ýaqyt boıynsha saǵat 04:33-te Sychýan (ońtústik-batys Qytaı) provıntsııasyndaǵy Lýchjoý qalalyq okrýginiń Lýsıan ýezi aýmaǵynda tirkelgen.

Jer silkinisiniń epıtsentri - Lýsıan ýezinde úsh adam qaza tapty, taǵy 60 adam túrli dárejede jaraqat aldy. 35 úı qulady, 190-ǵa jýyq turǵyn úı qatty zaqymdaldy.

Apat aımaǵynan 7 myńǵa jýyq turǵyn evakýatsııalandy.

Sychýan provıntsııasynyń Lýsıan ýezine 1 mıllıonnan astam halqy bar 20-ǵa jýyq eldi meken qaraıdy.




Sondaı-aq jer silkinisine baılanysty tótenshe jaǵdaı aımaǵynda jolaýshy poıyzdarynyń qozǵalysy toqtatyldy.

Oqıǵa ornynda apatty-qutqarý jumysy júrgizilip jatyr.


Basty sózder: Oqıǵa, Jer silkinisi, Qytaı,
Joǵary qaraı