Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıdaǵy joıqyn jarylys: 11 adam mert bolyp, 133-i  adam zardap shekti

2021 jyldyń 13 maýsym 2021 12:00

BEIJІŃ. QazAqparat – Jeksenbi kúni tańerteń Qytaıdyń Shııan qalasyndaǵy (Hýbeı provıntsııasy, Ortalyq Qytaı) azyq-túlik bazarynda joıqyn jarylys boldy. Saldarynan keminde 11 adam opat boldy, 133 adam zardap shekti, dep habarlaıdy QazAqparat Qytaıdyń ortalyq telearnasyna silteme jasap.

Telearnanyń habarlaýynsha, zardap shekken 133 adamnyń 37-siniń jaǵdaıy aýyr.

Aldyn ala nusqalarǵa sáıkes, tótenshe jaǵdaıǵa gazdyń kemýi sebep bolýy múmkin. Jarylys Chjanvan aýdanynda jergilikti ýaqyt boıynsha saǵat 06:30 shamasynda bolǵan. Jarylys saldarynan bazardyń ǵımaraty qırap, sol mańdaǵy úılerdiń áınekteri synǵan.

Kýágerlerdiń aıtýynsha, ýaqyttyń erte bolǵanyna qaramastan bazarda satyp alýshylar kóp bolǵan, adamdar jaqyn mańdaǵy ashanalardan tańǵy as iship otyrǵan.

Qalada birneshe qan quıý stantsııasy jumys istep jatyr. Dárigerler men bılik qala turǵyndaryn qan quıý stantsııalaryna kelip, qan tapsyrýǵa shaqyrdy.

Tótenshe jaǵdaı ornynda izdestirý-qutqarý jumystary jalǵasýda.

Basty sózder: Oqıǵa, Qytaı,
Joǵary qaraı