Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıdyń tutyný taýarlarynyń EKSPO kórmesinde myńnan astam brend usynylady

2021 jyldyń 5 mamyr 2021 09:59

BEIJІŃ. QazAqparat – 7-10 mamyr aralyǵynda Qytaıdyń ońtústigindegi Haınan provıntsııasynyń Haıkoý qalasynda tutyný taýarlarynyń qytaılyq alǵashqy halyqaralyq kórmesi ótedi, dep habarlaıdy «QazAqparat» HAA menshikti tilshisi.

Álemniń 69-dan astam eli men óńirlerinen 1200-ge jýyq álemdik brend I Qytaı halyqaralyq tutyný taýarlary EKSPO kórmesinde usynylady.

EKSPO kórme alańy 80 myń sharshy metrdi quraıdy, onyń 60 myń sharshy metr alańy sheteldik brendterdi zergerlik buıymdardy, azyq-túlik ónimderin, sándi taýarlar men qyzmetterdi (qonaq úı bıznesi, keshendi qyzmetter) kórsetýge bólingen.

Kórme alańynyń qalǵan bóligi QHR-nyń barlyq aımaqtarynyń ónimderine arnalǵan.

EKSPO aıasynda týrıstik klasterge arnalǵan tutynýshylyq ınnovatsııalar, bajsyz satyp alýlar jáne bólshek saýda ındýstrııasy boıynsha forýmdar ótedi.

2000 jyldan 2019 jylǵa deıin Qytaıdyń jan basyna shaqqandaǵy JІÓ on ese ósip, 10 myń AQSh dollarynan asty.

Resmı statıstıkalyq málimetterge sáıkes, 2021 jyldyń birinshi toqsanynyń qorytyndysy boıynsha Qytaıda tutyný taýarlarynyń bólshek saýdasy jyldyq eseppen 33,9% -ǵa artyp, 10,5 trln ıýanǵa (shamamen 1,6 trln AQSh dollary) jetti.


Basty sózder: Qytaı, Ekonomıka, Álem,
Joǵary qaraı