Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaılyq sarapshylar koronavırýstyń jańa túrine baılanysty dúrbeleń týdyrmaýǵa shaqyrdy

2021 jyldyń 28 qarasha 2021 03:41

BEIJІŃ. QazAqparat – Qytaılyq sarapshylar B.1.1.529 dep tanylǵan COVID-19-dyń jańa shtammynyń tabylýyna baılanysty dúrbeleń týdyrmaýǵa shaqyrdy. Sebebi, mýtatsııa sany ınfektsııa joǵary bolǵanda ǵana kóbeımeıdi, dep habarlaıdy QazAqparat tilshisi «Hýantsıý Shıbao» basylymyna silteme jasap.

Gonkong ýnıversıtetiniń professory Tszın Dýnıannyń aıtýynsha, qoǵam koronavırýstyń jańa shtamyna qyraǵy bolýy kerek, biraq dúrbeleń týdyrmaý kerek.

«Onyń jahandyq qaýpi týraly jáne vaktsınanyń oǵan yqpaly týraly derekter nemese dálelder joq», - dep keltiredi «Hýantsıý Shıbao» sarapshynyń sózin.

Qytaılyq ımmýnolog Chjýan Shılıhe koronavırýstyń álemdegi eń kúshti jáne ústem túri «delta shtammy» dep sanaıdy. Ol buǵan deıin tabylǵan barlyq shtammdardy (Gamma, Beta jáne Alfa) yǵystyryp jibergen. Osyǵan baılanysty, onyń pikirinshe, «jańa shtammnyń «deltaǵa» qaraǵanda kúshti bolýy qıynyraq».

Beısenbi kúni Sıangan (Gonkong) arnaıy ákimshilik aýdanynda koronavırýstyń jańa shtammyn eki adamnyń juqtyrǵany anyqtaldy.

Senbiden bastap Sıangan SAR ákimshiligi Botsvana, Esvatını, Lesoto, Malavı, Mozambık, Namıbııa jáne Zımbabveden kelgen Gonkong turǵyndaryna qatysty karantındik sharalardy kúsheıtýde. Sońǵy úsh apta ishinde joǵaryda atalǵan elderde, sonyń ishinde OAR-da bolǵan azamattardyń kirýine tyıym salyndy.

Eske salsaq, Ońtústik Afrıka Respýblıkasynda koronavırýstyń 1.1.529 ataýy bar jańa mýtatsııasy anyqtalǵan edi.

Bul nusqa burynǵylarǵa qaraǵanda áldeqaıda juqpaly jáne vaktsınalardyń oǵan áseri tıimsiz bolýy ábden múmkin ekendigi aıtyldy. Koronavırýstyń qaýipti delingen jańa shtamyna «Omıkron» degen ataý berildi.


Basty sózder: Álemdegi koronavırýs, Qytaı, Álem,
Joǵary qaraı