Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qytaılyqtar Abaı álemimen tanysýda - Sheteldegi qazaq tildi BAQ-qa sholý

2022 jyldyń 15 mamyr 2022 13:30

NUR-SULTAN. QazAqparat - «QazAqparat» HAA ádettegideı shetelde qazaq tilinde taraıtyn aqparat kózderine aptalyq sholýyn usynady.

Túrik shaıyrlaryn qazaqsha sóıletti - TRT

Ankarada qazaqtyń aqıyq aqyny Svetqalı Nurjannyń aýdarmalary jınaqtalǵan «Túrik shaıyrlary» atty jańa kitabynyń tusaýkeseri ótti. Bul – tanymal aqynnyń 60 jas mereıtoıynyń qarsańynda jaryq kórip otyrǵan súbeli eńbegi, dep habarlaıdy «Túrkııa Radıo Teledıdar» aqparattyq agenttigi.







Atalǵan basylymynyń dereginshe, qalamger túrik áýlıe aqyndarynyń eń tańdaýly shyǵarmalaryn qazaqsha sóıletken. Atap aıtqanda Máýlana Jáláladdın Rýmı, ıÝnýs Emre, Pir Sultan Abdal, Nııazy Mysyr Haziret sekildi uly aqyndardyń sózderi qazaq tilinde ún qatady. Almatydaǵy «El-Shejire» baspasynan jaryq kórgen jınaq eki tilde (qazaq jáne túrikshe) oqyrmanǵa usynylyp otyr.




Halyqaralyq túrik mádenıeti uıymynyń bas hatshysynyń orynbasary Bılal Chakydjy atalmysh sharanyń betasharynda sóz sóılep, aqyndy mereıli jasymen quttyqtap, Túriksoı shańyraǵy astynda kitabynyń tusaýkeseriniń ótkizilip jatqanyna baýyrlas el retinde qýanyshty sezimde ekenin jetkizdi. Ol aqyndy qazaq poezııasynyń bedeldi ókili dep atap, qazaq halqynyń sezimine tárjiman bolyp, qazaq sanasyna óleńderinen oryn bergenin atap kórsetken.




TRT-nyń keltirgen deregine súıensek, professor, doktor Osman Horata da Svetqalı aqynnyń kitabyn joǵary baǵalady.




Saltanatty shara barysynda Túriksoı uıymynyń Bas hatshysynyń orynbasary Bılal Chakydjy Svetqalı aqynǵa «Abaı» medalin taqty.

«Túrik shaıyrlary» atty kitaptyń tusaýkeserinde halyqaralyq Túriksoı uıymy men «Qazaq áýenderi» arasynda yntymaqtastyq jóninde memorandýmǵa qol qoıyldy.




Ózbekstan men Qazaqstan arasyndaǵy jolaýshylar poıyzdarynyń qozǵalysy qalpyna keltirilýde - «ÓzA»

«Ózbekstan temir joldary» kompanııasy «Qazaqstan temir joldary» aktsıonerlik qoǵamymen kelise otyryp, temirjol arqyly jolaýshylar tasymalyn qalpyna keltirilý týraly habarlady.

Bul týraly osy aptada Ózbekstannyń «ÓzA» memlekettik aqparattyq agenttiginde jarııalandy.

Ózbekstandyq BAQ-tyń dereginshe, 15 mamyrdan Nókis-Beıneý-Nókis baǵytynda, 16 mamyrdan Almaty-2-Tashkent-Almaty-2 baǵyty boıynsha poıyzdar qatynaýy ashylady. Reıster aptasyna úsh ret oryndalady.15 mamyrdan bastap 647/648 sandy Nókis – Beıneý – Nókis jolaýshylar poıyzy qatynaı bastaıdy.16 mamyrdan bastap Almaty-2 – Tashkent – Almaty-2 baǵyty boıynsha 1/2 sandy («Tulpar-Talgo») poıyzy jolǵa shyǵady.




Aıta keteıik, bıletterdi elektrondy túrde jáne kassadan satyp alý múmkin, al Qazaqstan shekarasynan ótý úshin elektrondy bıletti A4 formatyndaǵy qaǵazǵa basyp shyǵarý qajet.

Erkinbek Bódenuly aımaqtyq Jýrnalıster odaǵynyń tóraǵasy bolyp taǵaıyndaldy Kaznews

Baıan-Ólgıı aımaǵynyń Jýrnalıster odaǵy «Dúnıejúzilik baspasóz erkindigi» kúnine oraı 11 mamyrda konferentsııa uıymdastyrdy. Bul konferentsııaǵa aımaqtaǵy barlyq BAQ ókilderi, belsendi tilshiler qatysty. Odaq tóraǵasynyń qyzmetin atqarýshy Erkinbek Bódenuly odaqtyń tarıhyn tanystyryp, buǵan deıingi atqarǵan jumystary jóninde esep berdi, dep habarlaıdy Mońǵolııanyń Kaznews aqparattyq portaly habarlady.




Kaznews-tyń dereginshe, odaqtyń burynǵy tóraǵalary Sábet Nasyruly men Ómirbek Bıqumaruly BAQ salasyndaǵy zańnamalar, jańa medıalar týraly, Hovda ýnıversıtetiniń aımaqtaǵy fılıalynyń ǵylymı jetekshisi Hınalǵan Jylqyaıdarqyzy jýrnalıstıka salasy jáne jýrnalısterdiń qostildi bilimi týraly baıandama jasaǵan.

«Ómirbek Bıqumaruly odaq tóraǵasyn rásimdeýge baılanysty usynys bildirip, BAQ ókilderi biraýyzdan Erkinbek Bódenulyn Baıan-Ólgıı aımaǵynyń Jýrnalıster odaǵy tóraǵasyna taǵaıyndady», dep jazdy Kaznews.

Sonymen qatar atalǵan is-sharada aımaqtyq Buqaralyq radıosynyń tilshisi Marjan Kákeıqyzy men Derbes telearnasynyń jýrnalısti Juldyz Jumaǵulqyzy syndy birqatar BAQ ókilderi marapattaldy.







Tóraǵa Sı Tszınpınmen birge Abaı álemimen tanysaıyq – «Halyq gazeti»

Qytaıdyń «Halyq gazeti» saıtynda osyndaı taqyryptaǵy aqparattyq beınejazba shyqty. Bul Dúnıejúzilik kitap oqý kúnine oraı jarııalandy.

«QHR Tóraǵasy Sı Tszınpın 2013 jyldyń 7 qyrkúıeginde Ortalyq Azııaǵa sapary kezinde Qazaqstandaǵy Nazarbaev ýnıversıtetine baryp, «Halyqtar dostastyǵyn ilgerletý jáne jarqyn bolashaq qurý» degen atpen dáris oqyǵan bolatyn. Sol jolǵy sóılegen sózinde Sı Tszınpın qazaqtyń oıshyl aqyny Abaıdyń: «Dúnıe úlken kól, zaman soqqan jel, aldyńǵy tolqyn aǵalar, artqy tolqyn iniler, kezekpenen óliner, baıaǵydaı kóriner» degen tereń maǵynaly sózin siltemege alyp, jastardyń asar asýy bıik, jastar bolashaqtyń irge tasyn qalaýshylar, jastar ulttyń bolashaǵy» degen tilegi men senimin bildirgen bolatyn», dep bastaıdy beınejazba avtory sóılegen sózin.




Avtor «Dúnıejúzilik kitap oqý kúni» baılanysymen Sı Tszınpınmen birge kitap álemin aralaýdy jón sanaıdy. Sonymen qatar ol uly aqyndy kórermenderge tanystyra kelip, Abaı qazaq dalasynyń temir qazyǵy ispetti ekenin tilge tıek etedi. Onyń aıtýynsha, Abaıdyń «Qara sózderi» uly tulǵa shyǵarmashylyǵynyń shoqtyǵy bıik bóligi. Ol Abaı qara sózderinen úzindiler keltire kelip, óz oıyn «Abaı qara sózderi - qazaq halqynyń álem mádenıetine syılaǵan teńdessiz rýhanı baılyǵy», degen sózimen túıindeıdi.

Baıan-Ólgıı qazaq teatry Mongolııadaǵy basqa óner uıymymen tyǵyz yntymaqtastyqta bolady - Kaznews

Baıan-Ólgıı aımaǵynyń M.Qurmanhan atyndaǵy Mýzykaly drama teatry men Baıanhongor aımaǵynyń Mýzykaly drama teatrynyń birlesken shyǵarmashylyq keshi 17 mamyrda Ólgıı qalasynda, 19 mamyrda Baıanhongor qalasynda alǵash ret ótedi, dep habarlaıdy Kaznews.

Mońǵolııalyq BAQ-tyń dereginshe, M.Qurmanhan atyndaǵy mýzykaly drama teatrynyń qazaq ult aspaptar orkesteri mońǵol shyǵarmalaryn, al Baıanhongor aımaǵynyń teatrynyń orkesteri qazaq shyǵarmalaryn kórermen nazaryna usynbaq.




«Baıan-Ólgıı aımaǵynyń M.Qurmanhan atyndaǵy Mýzykaly drama teatrynyń dırektory Sáıgúlik Jánimhanqyzynyń aıtýynsha, bul jolǵy is-shara eki aımaqtyń mádenı qarym-qatynasyn nasıhattaýǵa, dáripteýge úles qosady», dep jazady Kaznews.

Qazaqstan – Gúlistannyń strategııalyq saýda seriktesi - Parstoday

Irannyń soltústik oblystary Qazaqstanmen áriptestikte mańyzǵa ıe, dep habarlaıdy Parstoday aqparat agenttigi.

Atalǵan BAQ-tyń keltirgen derekterine súıensek, Gúlistan oblysy teńiz jolymen qosa, tas jáne temir jol dálizderi arqyly Túrkimenstan terrıtorııasynan ótip, Qazaqstanmen baılanysyp jatyr. Bul oblysta qazaqtardyń basqa ortaazııalyq ulttarymen tatý tirshilik etýi Gúlistan men Qazaqstan arasynda mádenı baılanystardy arttyra tústi. Munymen qosa, atalǵan oblystyń Orta Azııamen, ásirese Qazaqstanmen ortaq tarıhy, ádet-ǵurpy, salt-dástúri men ortaq mádenıeti Qazaq elimen kóbirek jáne jaqsyraq túsinistik ornaýyna jaǵdaı jasady. Osy erekshelikterge baılanysty Qazaqstan Gúlistannyń strategııalyq maqsattarynda aıryqsha orynǵa ıe.




«Qazaqstan turaqty, baı da myqty el retinde Gúlistan oblysy úshin mańyzdy saýda seriktes sanalady. Bul Gúlistannyń erekshe geografııalyq jaǵdaıyna baılanysty aıtylǵan. Basqa jaǵynan osy oblysta turatyn qazaqtardyń talpynystary nátıjesinde Qazaqstanmen saýda-ekonomıkalyq qatynas kún ótken saıyn nyǵaıyp keledi. Gorgan men Aqtaý arasynda tikeleı reıs te sońǵy jyldary osy qajettilikterdi óteý úshin ashyldy. Basqa jaǵynan Gúlistan oblysynyń Túrkimenstannyń Balkanabad oblysy arqyly Qazaqstannyń Mańǵystaý oblysyna temir jolmen jalǵanýy da sońǵy jyldarda mol múmkindik týdyrdy...», dep jazady ırandyq BAQ.


Joǵary qaraı