Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Qytaımen shekaradaǵy «Nur joly» beketinde kólik jınalýyna ne sebep boldy

2020 jyldyń 25 maýsym 2020 21:33

NUR-SULTAN. QazAqparat – QR Qarjy mınıstrligi «Nur joly» ótkizý beketinde kóliktiń jınalyp qalýyna Qytaı tarapynyń shekarada sanıtarlyq sharalardy kúsheıtýi sebep bolyp otyrǵanyn jarııa etti, dep habarlaıdy QazAqparat tilshisi.

«Qazaqstandyq tarap (QR QM MKK, QR UQK Shekara qyzmeti, QR Indýstrııa jáne ınfraqurylymdyq damý mınıstrligi) «Nur joly» avtokóliktik ótkizý beketiniń jumysyn turaqtandyrý úshin tıisti sharalardy qabyldap jatyr. Qytaılyq avtokólikterdiń Qazaqstan aýmaǵyna kirý múmkindigi úshin «Nur joly» AÓB jumys tehnologııasyn ózgertý máselesi pysyqtalýda», - dep habarlaıdy komıtetten.

Jańa protsedýralar ekijaqty bekitilgennen keıin qytaılyq tasymaldaýshylar óz elinde óndirilgen taýardy Qazaqstannyń kólik-logıstıkalyq ortalyqtaryna jetkizý múmkindigine ıe bolady. Osydan keıin kelgen taýarlar qazaqstandyq jáne sheteldik tranzıttik kólikterge tıelip, aımaqtarǵa taratylady. Bul shara kóp avtokóliktiń qytaı tarapyna kirý qajettigin joıyp, «Nur joly» beketinde júk tasymaldaýshylardyń jınalýyna jol bermeıdi.

«Qazaqstandyq tarap Qazaqstan men Qytaı shekaralary arasynda avtokóliktiń jınalyp qalýyna COVID-19 pandemııasymen kúres aıasynda qytaılyq taraptyń shekaradaǵy sanıtarlyq sharalardyń kúsheıtýi sebep bolǵanyn atap ótedi. Kórshi memlekettiń qaýipsizdik sharalaryna qurmetpen qaraı otyryp, qytaı tarapynyń karantın sharalaryn engizýi «Nur joly» beketin eseptemegende barlyq shekara ótkizý beketteriniń jabylýyna, shekara arqyly ótetin avtokólik sanynyń 150-den 20-ǵa deıin qysqarýyna ákelgenin habarlaımyz» delingen habarlamada.

Komıtet sonymen birge QR Úkimetiniń 2020 jyldyń 10 maýsymyndaǵy №369 qaýlysyna sáıkes budan buryn «Qaljat», «Baqty», «Maıqapshaǵaı» avtokólik ótkizý beketteri ýaqytsha jabylǵanyn habarlaıdy. QHR tarapy shekaralardy jaýyp tastaǵandyqtan taýarlar ary-beri tasymaldanyp jatqan joq. Onyń ústine buryn júkti kútip qalýmen kólik quraldary Qytaı aýmaǵynda jınalyp qalatyn. Pandemııaǵa baılanysty QHR bıligi muny shektep, qazaqstandyq kólik quraldarynyń óz aýmaǵynda bolý ýaqytyn 12 saǵatqa deıin qysqartqan.

«Bul qazaqstandyq tarapta kólik quraldarynyń jınalýyna ákeldi. Qazaqstandyq tarapta júk jınalyp qalýynyń taǵy bir sebebi – shekarany kesip ótetin tasymaldaýshylardyń (shamamen 60 paıyzynyń) naqty tapsyrysy men júk boıynsha kelisiminiń bolmaýy. Osylaısha avtokólikterdiń jartysynan kóbi Qytaıǵa bir rettik kelisimge kelý úmitimen barady. Bul tasymaldaýshylar qytaılyq taraptan júksiz oralyp, qaıtadan kezekte qalady», - dep habarlaıdy memlekettik kirister komıtetinen.

Qazaqstandyq tarap qazirge deıin «Nur joly» beketindegi jaǵdaıdy turaqtandyrý boıynsha QHR-men kelisim aıasynda birqatar shara qabyldap jatyr.


Joǵary qaraı