Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qyzyl» mártebesi bar 223 kókshetaýlyqqa aıyppul salyndy

2021 jyldyń 17 qyrkúıek 2021 21:45

KÓKShETAÝ. QazAqparat - Karantındik talaptardy buzǵan 223 kókshetaýlyqqa qatysty ákimshilik materıaldar jasalyp, jalpy somasy segiz mıllıon teńgege jýyq aıyppul salyndy, dep habarlaıdy QazAqparat tilshisi.

Bıznes obektilerinde koronavırýstyq ınfektsııanyń taralý qaýpin azaıtý úshin 2021 jylǵy 21 sáýirden bastap Aqmola oblysynda Ashyq pılottyq jobasy bastaldy.

Kókshetaýdyń bas memlekettik sanıtarlyq dárigeri Qanat Ysqaqovtyń aıtýynsha, oblys ortalyǵynda 700-den astam kásipkerlik nysany bar.

«Joba koronavırýstyq ınfektsııamen aýyratyn naýqastardy jáne úı karantıni rejımin buzǵan adamdardy anyqtaý úshin tıimdi. Búgingi tańda Ashyq qosymshasynyń kómegimen Kókshetaýda úıden oqshaýlaý rejımin saqtamaǵan 673 adamdy anyqtaýǵa múmkindik týdy, onyń 533 «qyzyl» jáne 140 «sary» mártebesi bar»,- dep atap ótti Q.Ysqaqov.

Sanıtarlyq dárigerdiń aıtýynsha, 2021 jyldyń 10 maýsymynan bastap KVI-men aýyratyn naýqastar úshin oqshaýlaý rejımin buzǵany úshin Ákimshilik quqyq buzýshylyq týraly kodekstiń 425 babynyń 1-shi bóligi boıynsha ákimshilik jaza kózdelgen. Osy sanktsııasy boıynsha jeke tulǵalarǵa 87510 teńge (30 AEK) mólsherinde ákimshilik aıyppul qarastyrylǵan. 223 adamǵa qatysty ákimshilik materıaldar toltyrylyp, jalpy somasy 7 mln 934 myń 240 teńge aıyppul salyndy.

«Ashyq qosymshasy jumys istep turǵan kezeńde Qazaqstannyń basqa óńirleriniń karantın rejımin buzǵan 153 turǵyny anyqtaldy, olar Kókshetaý qalasynda ornalasqan nysandardy aralady. Olar boıynsha sharalar qabyldaý jáne turǵylyqty jeri boıynsha epıdemııaǵa qarsy is - sharalar ótkizý úshin aqparat joldandy», - dep túıindedi Q.Ysqaqov.


Avtor Aslan Ospanov
Basty sózder: Aqmola oblysy, Karantın, Ashyq, Aıyppul,
Joǵary qaraı