Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qyzyl» mártebesi bar 7 qyzylordalyq «Ashyq»-pen isteıtin nysandarǵa barǵan

2021 jyldyń 11 maýsym 2021 12:02

QYZYLORDA. QazAqparat - Qyzylorda oblysynda «Ashyq» júıesine qosylǵan kásipkerlik nysandaryna «qyzyl» jáne «sary» mártebesi bar 25 adam kelgen, dep habarlaıdy QazAqparat tilshisi.

«Aıta keterligi, «qyzyl» mártebesi anyqtalǵan tulǵalar boıynsha, burynǵydaı eskertý emes, ákimshilik jaýapkershilik belgilenedi. Eger azamat óziniń koronavırýsqa shaldyqqanyn bile tura, oqshaýlaný rejımin buzsa, oǵan 30 AEK nemese 87 510 teńge mólsherinde ákimshilik aıyppul salynady. Búginge deıin qalalyq Sanıtarııalyq-epıdemıologııalyq baqylaý basqarmasyna «qyzyl», «sary» mártebeleri anyqtalǵandyǵy týraly 25 habarlama kelip tústi. Onyń 18-i «sary», 7-eýi «qyzyl» tús. Olar kınoteatr men qoǵamdyq tamaqtaný oryndaryna kirý barysynda anyqtalǵan. Bul derekter boıynsha jekelegen tulǵalarǵa qalanyń Bas memlekettik sanıtarııalyq dárigeriniń Qaýlysy shyǵarylyp, tabystaldy», - dedi oblystyq Sanıtarııalyq-epıdemıologııalyq baqylaý departamenti basshysynyń orynbasary Ulbosyn Ahanaeva.

Qazirgi tańda kásipkerliktiń 23 salasy boıynsha qyzmet kórsetýshiler «Ashyq» jobasyna qatysa otyryp, karantın kezinde de óz jumystaryn jalǵastyra alady. Atap aıtqanda, olar - kınoteatrlar, fıtnes-klýbtar, spa-ortalyqtar, saýnalar, basseınder, kompıýterlik klýbtar men boýlıng ortalyqtary sııaqty kásipkerlik sýbektileri.

«Qyzmetkerlerdiń qaýipsizdigin qamtamasyz etý jáne COVID-19-dyń taralýyn barynsha azaıtý úshin «Ashyq» mobıldik qosymshasyn kez kelgen joǵary oqý orny, bankter, ónerkásiptik kásiporyndar, jeke medıtsınalyq ortalyqtar jáne basqalary erikti qatysýshy retinde osy jobamen óz jumysyn júzege asyra alady.

Jańa qatysýshylar «Ashyq» aqparattyq júıesine qatysýǵa ótinimderdi tıisti saıt arqyly beredi. Al kınoteatrlar, qoǵamdyq tamaqtaný obektileri salalyq qaýymdastyq arqyly júginýine bolady», - dedi oblystyq Kásipkerler palatasy dırektorynyń orynbasary Pirmuhammed Syzdyqov.

Eske salsaq, Qyzylorda oblysynda koronavırýs vaktsınasyn saldyrǵandar qatarynda aýyl turǵyndary kóp.


Joǵary qaraı