Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysy ákiminiń orynbasary inisiniń qyzmetine bola jumystan ketti

2022 jyldyń 25 mamyr 2022 16:46

QYZYLORDA. QazAqparat - Qyzylorda oblysy ákiminiń orynbasary Baljan Shámenova óz erkimen qyzmetinen ketti, dep habarlaıdy QazAqparat tilshisi.

Bul jóninde Baljan Shámenova óńirlik kommýnıkatsııalar qyzmetinde ótken baspasóz máslıhatynda málim etti.

«2021 jyldyń naýryz aıynan bastap oblys ákiminiń orynbasary qyzmetine taǵaıyndalyp, aımaqtyń áleýmettik-ekonomıkalyq damýyna qyzmet ettim. Áleýmettik salaǵa jaýapty bolǵandyqtan eń áýeli densaýlyq saqtaý salasynda pandemııamen betpe-bet keldik. Osy maqsatta nátıjeli jumystar atqaryldy», - dedi Baljan Shámenova.

Sondaı-aq eńbek daýlaryn sheshý maqsatynda kásipodaqpen birge tıimdi sheshim qabyldandy. Byltyr bilim salasy úshin de táýekelderge qarsy turýǵa jol ashqan jyl boldy.

«Ózderińiz bilesizder, Nurlybek Nálibaev oblys ákimi qyzmetine taǵaıyndalǵan ýaqyttan bastap, maǵan ekonomıka, qarjy salasyna jetekshilik etýdi qosymsha júkteldi. Degenmen, sáýir aıynan bastap týǵan aǵamnyń balasy Asylbek Shámenov qala ákimi retinde qyzmetke keldi. Ol Jalaǵash aýdany ákimi bolǵan kezeńde maǵan tikeleı baǵynyshtylyǵy joq bolǵandyqtan, bul jerde zańǵa qaıshy áreketter oryn alǵan joq. Biraq sáýir aıynan bastap, qarjy salasyna jetekshilik etetindikten jáne inimniń qala ákimi qyzmetine kelýi sebepti men oblys ákiminiń orynbasary qyzmetinen ketý týraly sheshim qabyldadym. Degenmen, men qaı kezde de Syr eliniń damýyna bar kúsh-jigerimdi salýǵa daıynmyn. Árbir memlekettik qyzmetshi týǵan jerine janashyrlyqpen qaraıdy jáne aımaqtyń damýyna baryn salyp qyzmet etedi», - dedi B. Shámenova.


Joǵary qaraı