Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysy mádenıet, arhıvter jáne qujattama basqarmasyna jańa basshy taǵaıyndaldy

2021 jyldyń 22 qyrkúıek 2021 12:49

QYZYLORDA. QazAqparat - Qyzylorda oblysy mádenıet, arhıvter jáne qujattama basqarmasynyń basshysy taǵaıyndaldy, dep habarlaıdy QazAqparat tilshisi.

Oblys ákiminiń ókimimen bul qyzmetke Asqarbek Temirbekuly Esjanov keldi.

A. Esjanov 1978 jyly dúnıege kelgen. Qyzylorda memlekettik ýnıversıtetin «Tarıh jáne quqyq pániniń muǵalimi», Qyzylorda gýmanıtarlyq ýnıversıtetin «zańger» mamandyqtary boıynsha bitirgen.

Eńbek jolyn 1999 jyly Qyzylorda ekologııa jáne quqyq kolledjinde oqytýshy bolyp bastady. Odan keıin 2002-2005 jyldary Qyzylorda oblysynyń mádenıet basqarmasynyń kitaphana, mýzeı, tarıhı jáne mádenı eskertkishterdi qorǵaý bóliminde maman, bas maman bolsa, 2005-2007 jyldary Qyzylorda oblystyq sotynda, 2007-2010 jyldary Qyzylorda qalasy ákimi apparatynda jaýapty qyzmetter atqarǵan.

Al 2010-2019 jyldary oblys ákimi apparatynyń uıymdastyrý-ınspektorlyq jumys jáne aımaqtyq damý bóliminiń bas ınspektory, bólim basshysy, Qyzylorda qalasy ákimi apparatynyń basshysy, Qyzylorda qalalyq bilim bóliminiń basshysy, qalalyq máslıhatynyń apparat basshysy boldy.

2019-2020 jyldary Qyzylorda qalalyq mádenıet jáne tilderdi damytý bólimin basqaryp, 2020 jyldan osy kezge deıin Qyzylorda qalasy ákiminiń orynbasary laýazymyn atqaryp keldi.


Joǵary qaraı