Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysy memlekettik qyzmet isteri departamentine jańa basshy keldi

2020 jyldyń 22 qazan 2020 02:40

QYZYLORDA. QazAqparat - Qyzylorda oblysynda memlekettik qyzmet isteri departamentine jańa basshy taǵaıyndaldy, dep habarlaıdy QazAqparat tilshisi.

Qazaqstan Respýblıkasynyń Memlekettik qyzmet isteri agenttiginiń buıryǵymen Rafhat Bısenov agenttiktiń Qyzylorda oblysy boıynsha departamentiniń basshysy, Ádep jónindegi keńes tóraǵasy qyzmetine taǵaıyndaldy.

R. Bısenov 1983 jyly Batys Qazaqstan oblysynda dúnıege kelgen. 2003 jyly Q.Jubanov atyndaǵy Aqtóbe memlekettik ýnıversıtetin «Qazaqstan tarıhy», 2014 jyly Qazaq-orys halyqaralyq ýnıversıtetin «Quqyqtaný» mamandyǵy boıynsha támamdaǵan.

Eńbek jolyn 2003 jyly Aqtóbe qalasyndaǵy №51 gımnazııada tarıh pániniń muǵalimi retinde bastaǵan. 2005-2007 jyldary Aqtóbe qalalyq mádenıet jáne tilderdi damytý bóliminiń jetekshi, bas maman boldy. 2007-2012 jyldary Aqtóbe qalasy ákimi apparatynda uıymdastyrý jáne kadrlarmen jumys bóliminiń bas mamany qyzmetin atqarǵan.

2012-2014 jyldary QR Memlekettik qyzmet isteri agenttiginiń Aqtóbe oblysy boıynsha departamentiniń bas mamany, konsýltant-ınspektory, bólim, basqarma basshysy bolǵan. 2016 jyldan bastap osy kezge deıin atalǵan departament basshysynyń orynbasary qyzmetin atqardy.


Joǵary qaraı