Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysyna bıyl 42 myńnan astam týrıst keldi

2021 jyldyń 28 qyrkúıek 2021 19:24

QYZYLORDA. QazAqparat - Qyzylorda oblysynda bıyl 42 myńnan astam týrıst keldi, dep habarlaıdy QazAqparat tilshisi.

Alǵashqy jartyjyldyqta óńirge 42 236 adam týrıst retinde kelgen. Bul kórsetkish ótken jylmen salystyrǵanda 2,2 paıyzǵa ulǵaıǵanyn bildiredi.

Jergilikti týrızmdi damytý jáne Syr ólkesiniń tarıhy men mádenıetin nasıhattaý maqsatynda «Qazaqstannyń kıeli jerleriniń geografııasy» jobasy uıymdastyrylýda. Joba aıasynda 31 tarıhı-tanymdyq ekskýrsııa men 3 tarıhı ekspedıtsııa ótkizilgen. Oblysta 12 demalys orny jáne 13 týrıstik fırma jumys isteıdi.

«Búgingi kúni 6 nysandy iske qosyp, 120 jańa jumys ornyn qurýdy josparlap otyrmyz. Bıyl óńirdiń týrıstik áleýetin damytý maqsatynda oblystyq bıýdjetten tıisti qarjy qaralyp, «Qolóner – asyl qazyna» jobasy qolǵa alyndy. Sharanyń basty maqsaty − halqymyz qasterlegen ulttyq ónerimizdiń jas urpaqtarǵa úlgi bolarlyq tárbıelik mańyzyn aıqyndaý», - dedi oblystyq kásipkerlik jáne týrızm basqarmasy basshysynyń mindetin atqarýshy Murat Tasqaraev.

Ejelgi qalalar men tarıhı eskertkishterdiń deni Syr ólkesinde shoǵyrlanǵan. Tarıhy tereń ólkede 545 tarıhı-mádenı eskertkishter memleket qorǵaýyna alynǵan. Taǵy bir aıta keterligi, Syr boıynda ekstremaldy týrızmdi damytý úshin Qaraqum jáne Qyzylqum sııaqty shóldi aımaqtar sheteldik týrısterdiń qyzyǵýshylyǵyn arttyryp keledi.

«Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynyń aıasynda Qazaqstannyń kıeli jerleriniń geografııasy jobasy qarqyndy júzege asyryldy. Sol arqyly «Qasıetti Qazaqstan entsıklopedııasynyń» 3-shi tomyna oblys boıynsha 12 eskertkish engizildi. Sondaı-aq, «Óńirlik qasıetti nysandar» jobasynda 60 nysan bar. Oblys boıynsha arnaıy jobalar bekitilip, onda 41 tarıhı-mádenı mura nysandary qamtylǵan. Olar Aral aýdanynan bastalyp Jańaqorǵan aýdanyna deıingi aýmaqty qamtyp ótedi. Onda Araldyń kepken tabanyndaǵy Aralasar qalashyǵy, Kerderi kesenesi, Jent, Jarkent, Syǵanaq qalashyqtary jáne basqa da erekshe keseneler men munaralar bar. Eskertkishterdiń ınfraqurylymyn jetildirýge de úlken mán berilip jatyr. Atap aıtsaq, Syǵanaq, Jankent qalashyqtary qorǵaý aımaqtary boıynsha qorshalyp, stelalar boı kóterdi. Oblys kóleminde tarıhı jáne mádenı eskertkishterin qorǵaý men nasıhattaý jáne saqtaý maqsatyndaǵy jumystar júıeli jalǵasyn tabýda», - dedi oblystyq tarıhı jáne mádenı eskertkishterdi qorǵaý jónindegi KMM basshysynyń mindetin atqarýshy Ǵalymjan Sadyqov.

Sondaı-aq, Qyzylordada «Syr óńiriniń folklorlyq antologııasynyń» birinshi tomy jaryqqa shyqty.



Joǵary qaraı