Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda 227 bala koronavırýs juqtyrǵan

2021 jyldyń 22 qańtar 2021 20:18

QYZYLORDA. QazAqparat - Qyzylorda oblysynda sońǵy bes kúnde 36 adam koronavırýs juqtyrǵan, dep habarlaıdy QazAqparat tilshisi.

Búgingi kúnge deıin óńirde koronavırýs ınfektsııasymen naýqastanǵan 3516 adam esepke alynǵan. Onyń ishinde 14 jasqa deıingi balalar sany - 227.

Sońǵy táýlikte koronavırýs ınfektsııasyn juqtyrýdyń 10 deregi tirkeldi.

Onyń 7-ýi Qyzylorda qalasynda bolsa, 2-ýi Shıeli jáne 1-ýi Qarmaqshy aýdanynda turatyny anyqtaldy.

PTR taldaýlarynyń 7-eýi profılaktıkalyq maqsatta, 3-eýi KVI juqtyrǵan adamdarmen qarym-qatynasta bolǵandyǵy sebepti alynǵan.

«Aıta keterligi, 2 naýqasta jótel, álsizdik, dene temperatýrasynyń joǵarylaýy, bastyń aýyrýy sekildi aýrý sımptomy baıqalǵan. Al 8 patsıentten klınıkalyq belgiler anyqtalǵan joq», - dep málim etti Qyzylorda oblysy sanıtarııalyq-epıdemıologııalyq baqylaý departamentiniń baspasóz qyzmeti.

Vedomstvonyń habarlaýynsha, naýqastarmen qarym-qatynasta bolǵan adamdar medıtsınalyq baqylaýǵa alyndy.

Profılaktıkalyq jáne epıdemııaǵa qarsy sharalar júrgizilýde.

Eske sala keteıik, Qyzylordada jyl basynan beri 100-den astam adam koronavırýs juqtyrǵan.




Joǵary qaraı