Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda 3 myńnan astam nysan «Ashyq» júıesimen jumys istep tur

2021 jyldyń 17 qyrkúıek 2021 15:56

NUR-SULTAN. QazAqparat – Qyzylorda oblysy aýmaǵynda 3444 nysan «Ashyq» júıesine qosylǵan. Bul týraly oblys ákiminiń orynbasary Baljan Shámenova málim etti, dep habarlaıdy QazAqparat tilshisi.

«Oblys kóleminde QR Bas memlekettik sanıtarııalyq dárigeriniń 2021 jylǵy 26 tamyzdaǵy №37 qaýlysynda kórsetilgen nysandardyń 33 túri boıynsha búginde 3444 kásipkerlik nysan «Ashyq» júıesine qosylyp, jumysyn jalǵastyryp jatyr. Sondaı-aq, arnaıy monıtorıngtik top «Ashyq» júıesimen jumys isteıtin 2617 nysannyń qyzmetin tekserdi. Atalǵan júıemen jumys isteıtin nysandardan «qyzyl» jáne «sary» mártebesine qaramastan karantın talabyn buzdy degen 1054 habarlama kelip tústi. Osy oraıda 108 jeke tulǵaǵa qatysty ákimshilik hattama toltyrylyp, 4 725 540 teńge kóleminde aıyppul salyndy», - dedi B. Shámenova OKQ-de ótken baspasóz máslıhatynda.

Sondaı-aq, ákim orynbasary oblystaǵy monıtorıngtik top jumysy týraly sóz qozǵady.

«Jyl basynan beri karantın talaptarynyń saqtalýy barysyn baqylaý maqsatynda monıtorıngtik top ókilderi 14 040 nysanǵa 4 391 reıd júrgizdi. Nátıjesinde 772 karantın talaptaryn buzý faktisi anyqtalyp, jaýaptylarǵa jalpy somasy 50 606 069 teńge kóleminde ákimshilik aıyppul salyndy. Onyń qatarynda 1 zańdy tulǵa, 42 jeke kásipker, 8 laýazymdyq tulǵa, 230 jeke tulǵa jáne 491 otbasylyq is-shara ótkizýge qatysty», - deıdi ol.

Onyń aıtýynsha, karantın talaptaryn buzǵan nysandar boıynsha 3 materıal sotqa joldanǵan.

Buǵan deıin atalǵan oblysta oqý jyly bastalǵaly 200-den astam oqýshynyń koronavırýs juqtyrǵany aıtyldy.



Joǵary qaraı