Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda 36 myńnan astam adam revaktsına jasady

2022 jyldyń 21 qańtar 2022 12:02

QYZYLORDA. QazAqparat - Qyzylorda oblysynda revaktsınatsııadan 36 myńnan astam adam ótti, dep habarlaıdy QazAqparat tilshisi.

Revaktsınatsııa jasaý úshin oblysta ekpe qory jetkilikti. Búgingi kúni oblysta revaktsınalaý úshin «QazVac», «SinoVac», «Pfizer» preparattary qoldanylýda.

Jaqyn arada revaktsınatsııalaý úshin reseılik bir komponentti «Spýtnık Laıt» preparaty keledi dep kútilýde. Revaktsınatsııalaý oblys boıynsha 106 ekpe kabınetterinde júrgiziledi.

«Bastapqy vaktsınatsıýdan soń belgili ýaqyt ótkennen keıin ımmýndyq qorǵanys tómendeı bastaıdy. Osy kezde qosymsha dozany alý mańyzdy. Sebebi qorǵanysh deńgeıi álsiregen aǵza vırýs juqtyrýǵa beıim keledi. Ótken jyldyń qarashasynan bastalǵan revaktsınatsııadan barlyǵy 36709 adam ótti. Basym kópshiligi oblys ortalyǵynyń úlesinde, aýdandar boıynsha joǵary kórsetkishter Aral, Qazaly, Jańaqorǵan óńirlerine tıesili», - dep málim etti oblystyq sanıtarııalyq-epıdemıologııalyq baqylaý departamentiniń baspasóz qyzmeti.

Vedomstvo málimetinshe, kásip túrleri boıynsha medıtsına qyzmetkerleri, muǵalimder men kúshtik qurylymdar qyzmetkerleri kósh bastap tur.

Oblys kóleminde ımmýndaýdan keıin asqyný jaǵdaılary tirkelgen joq.

Eske salsaq, Qyzylordada 418 myńnan astam adam koronavırýsqa qarsy vaktsına saldyrdy.



Joǵary qaraı