Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda  aýyl sharýashylyǵy óndirisin ártaraptandyrýǵa kóńil bólinýde

2020 jyldyń 29 qazan 2020 08:51

QYZYLORDA. QazAqparat - Qyzylorda oblysynda aýyl sharýashylyǵy óndirisin ártaraptandyrý jumystary júrgizilýde, dep habarlaıdy QazAqparat tilshisi.

Qyzylorda oblysy elimizde negizgi kúrish egetin óńir retinde keńinen tanymal. Alaıda, sý tapshylyǵy bul daqyldyń egisin azaıtý qajettiligin týyndatyp otyr.

Qazirgi tańda jańa zamanaýı sýarý júıelerine nazar aýdaryldy. Atap aıtqanda, tamshylatyp jáne jańbyrlatyp sýarý júıelerin, akvagelderdi paıdalanýǵa erekshe kóńil bólinedi. Oblystyń Jańaqorǵan aýdanynda akvagelderdi paıdalaný boıynsha jaqsy jumys tájirıbesi bar. Kúzdik bıdaı sebilgen 80 gektar alqaptan orta eseppen gektarynan 18 tsentnerden ónim alyndy. Endi bul tájirıbeni oblystyń ózge óńirlerine taratý josparlanýda.

«Jańa daqyldar oblystyń klımattyq jaǵdaıyna sáıkes kelýi tıis. Bul oraıda qant qumaıy men soıany atap ótýge ábden bolady. Keıingi jyldarda jergilikti ǵalymdar qant qumaıyn synaqtan ótkize bastady. Odan jınalǵan ónim de kóńil kónshiterlik. Oǵan qosa soıa daqylynyń tıimdiligine kóz jetkizip otyrmyz. Jergilikti sharýalar ony ósirý tásilderin de meńgerdi . Bıyl 240 gektar soıadan 263, 70 gektar qant qumaıynan 31 tonna ónim jınaldy. Júgeri kólemi 1700 gektarǵa jýyqtady», - deıdi oblystyq aýyl sharýashylyǵy basqarmasynyń basshysy Shahmardan Qoıshybaev.

Aıta keterligi, bıyl oblys boıynsha 184,2 myń gektar jerge aýyl sharýashylyǵy daqyldary egildi. Onyń ishinde dándi daqyldar 99,9, maıly daqyldar 5,7, mal azyqtyq daqyldar 61 myń, kartop, kókónis, baqsha 17,6 myń gektarǵa ornalastyryldy. Negizgi daqyl – kúrish 89,5 myń gektarǵa egildi.

Sondaı-aq, Qyzylorda oblysynda 2023 jylǵa deıingi ekonomıkalyq damý jospary júzege asyrylýda .


Joǵary qaraı