Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda bastaýysh synyp oqýshylary dástúrli formatta bilim alady

2022 jyldyń 24 qańtar 2022 18:46

QYZYLORDA. QazAqparat - Qyzylorda oblysynda bastaýysh synyp oqýshylary dástúrli formatta bilim alady, dep habarlaıdy QazAqparat tilshisi.

Óńirde oqý formatyna qatysty ózgerister engizildi. Endi 1-4 bastaýysh synyptaǵy oqýshylar shtattyq formatta, mektepke baryp oqıdy. Al 600 oqýshysy bar aýyl, qala mektepteri de shtattyq formatta jumys jasaıdy.

Sondaı-aq, kolledjder aralas formatta oqıdy. Praktıkalyq, zerthanalyq, semınar sabaqtar, óndiristik praktıka ıkemdi keste boıynsha shtattyq rejımde, dárister onlaın túrde ótkiziledi. Vaktsına alǵan stýdentter oqý ordasyna kelip, sabaqqa qatysa alady. Búginnen bastap aımaqtaǵy 30 kolledjdegi 19 692 stýdent úshin ekinshi semestr aralas formatta bastaldy.

Erteńnen bastap, ıaǵnı 25 qańtardan 22 aqpanǵa deıin Ulttyq biryńǵaı testileý bastalady.

«Esterińizge sala keteıin, bul testileýge shartty túrde aqyly negizde kúndizgi oqý nysany boıynsha joǵary oqý oryndaryna qabyldanǵan, jazǵy UBT nátıjeleri boıynsha shekti ball jınamaǵandar, sondaı-aq mektep bitiretin túlekter ýnıversıtetterge aqyly negizde túsý úshin qatysady. Aımaqtaǵy 7514 mektep bitirýshi túlektiń 6106-y nemese 81% qatysýǵa ótinish bildirdi. Alǵashqy testileý kúninde 203 túlek qatysady dep josparlanýda. Ol úshin 3 testileý pýnkti jumys jasaıdy», - dedi oblystyq bilim basqarmasynyń basshysy Aqzıra Qasymova.

Aıta ketý kerek, barlyq bilim berý uıymdary kúsheıtilgen sanıtarlyq-dezınfektsııalyq rejımmen jumys jasaıdy.

Eske salsaq, Qyzylorda oblysyna 8 myń doza «Spýtnık-V» vaktsınasy jetkizildi.


Avtor Ádiljan Úmbet
Basty sózder: Qyzylorda oblysy, Bilim,
Joǵary qaraı