Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda birqatar basqarmalarǵa basshy taǵaıyndaldy

2022 jyldyń 13 mamyr 2022 03:16

QYZYLORDA. QazAqparat - Qyzylorda oblysynda birqatar basqarmalarǵa basshy taǵaıyndaldy, dep habarlaıdy QazAqparat tilshisi.

Qaldarbekov Musa Ospanuly Qyzylorda oblysynyń kásipkerlik jáne ónerkásip basqarmasynyń basshysy laýazymyna taǵaıyndaldy.

M.Qaldarbekov 1972 jyly Qyzylorda oblysynda dúnıege kelgen. Almaty tehnologııalyq ınstıtýtyn ınjener-mehanık, ekonomıst mamandyqtary boıynsha bitirgen. Eńbek jolyn Kentaý tigin fabrıkasynyń slesari retinde bastap, Almaty qalasyndaǵy «Kerege» kásipornynda basshylyq qyzmet atqarǵan. Ár jyldary Almaty qalasynyń Áýezov, Jetisý jáne Alataý aýdandarynyń salyq komıtetinde jaýapty qyzmetter atqardy.

Salyq salasynyń maıtalmany retinde ár jyldary Qarjy mınıstrligi Memlekettik kirister komıtetiniń Batys Qazaqstan, Qyzylorda, Jambyl oblystary boıynsha departamenti basshysynyń orynbasary boldy. 2019-2021 jyldary Qarmaqshy aýdanynyń ákimi, 2021 jyldan beri Qyzylorda oblysynyń jumyldyrý daıyndyǵy basqarmasynyń basshysy qyzmetin atqaryp keldi.

Al Qyzylorda oblysynyń baqylaý jónindegi basqarmasyna Shámenov Baýyrjan Serikuly basshylyq qyzmetke keldi.

Baýyrjan Shamenov 1981 jyly Qyzylorda oblysynda dúnıege kelgen. Qazaq gýmanıtarlyq zań ýnıversıteti men Quqyq jáne naryq akademııasyn bitirgen. Eńbek jolyn «Rýh» zań kompanııasynyń zańgeri retinde bastaǵan. Ár jyldary oblystyq qazynashylyq departamenti men Memlekettik qyzmet isteri agenttiginiń oblys boıynsha basqarmasynda jaýapty qyzmetter atqarǵan. 2008-2013 jyldary oblys ákimi apparatynyń memlekettik-quqyqtyq jumystar bóliminiń basshysy bolǵan.

6 jyldan astam oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary laýazymynda, 2019 jyldan bastap osy atalǵan basqarmanyń basshysy bolyp qyzmet atqardy.

Eske salsaq, budan buryn Qyzylorda oblysy energetıka jáne TKSh basqarmasynyń basshysy taǵaıyndaldy.


Joǵary qaraı