Aýa raıy
Astana 27 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Qyzylorda oblysynda dári-dármekterdi zańsyz satý derekteri anyqtaldy

2020 jyldyń 11 shilde 2020 18:11

QYZYLORDA. QazAqparat - Qyzylorda oblysynda polıtseıler dári-dármekterdi zańsyz satý derekterin anyqtady, dep habarlaıdy QazAqparat tilshisi.

Oblys kóleminde dárilik zattardyń satylýyna monıtorıng júrgizildi. Osy baǵytta júrgizilgen shara barysynda Qyzylorda oblysy Polıtsııa departamentiniń qyzmetkerleri dárilik zattardyń ústeme baǵamen qosyp zańsyz satýdyń 6 deregin tirkeldi.

Qyzylorda qalasynyń turatyn 33 jastaǵy azamatsha dárihanada joq dárilerdi satyp turǵan jerinen ustaldy. Odan aıǵaq zat retinde «Tsıfran OD 1000 mg», «Trombo ASS 50 mg», «Tsıfran 500 mg» dáriler tárkilendi. Al oblys turǵyny ınternet jelisi arqyly «Tsefepım» ampýladaǵy aq tústi untaq dárisin satatyny jóninde habarlama jarııalaǵan. Tekserý barysynda bul azamattan aıǵaq zat retinde 11 dana «Tsefepım» (ampýlada) dári alyndy.

«Osyndaı zańsyz kásipkerlik qyzmetpen aınalysqan Qyzylorda qalasynda turatyn 38 jastaǵy azamatsha ustaldy. Azamatsha áleýmettik jeliler arqyly jarnamalap, dárilik preparattardy kóterińki baǵamen satqan.

Osyndaı jónsizdikke jol bergen Qyzylorda qalasynda turatyn 42 jastaǵy azamatsha dárilik preparattardy joǵary baǵamen satqan. Qyzylorda oblysynyń taǵy bir turǵyny ınternet jelisi arqyly dári satatyny jóninde habarlama jarııalaǵan. Tekserý barysynda bul azamattan aıǵaq zat retinde 10 dana «Rıgıdron», 12 dana «Tsıproks», 3 dana «Flemokslaf» dárilik preparttary alyndy», - dep málim etti Qyzylorda oblystyq polıtsııa departamenti.

Búgingi tańda bul derekter boıynsha tekserý jumystary jalǵasýda.

Tekserý barysynda anyqtalǵan zańsyz dári-dármek satý derekteri boıynsha zańǵa sáıkes quqyqtyq baǵa beriletin bolady.

Sondaı-aq, Qyzylordada qyzmettik kólikter jedel járdem qyzmetin atqarady


Joǵary qaraı