Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda epıdemıologııalyq jaǵdaı turaqtanyp keledi

2021 jyldyń 14 qazan 2021 14:35

QYZYLORDA. QazAqparat - Qyzylorda oblysynda epıdemıologııalyq jaǵdaı turaqtanyp keledi, dep habarlaıdy QazAqparat tilshisi.

Oblysta epıdemıologııalyq jaǵdaı turaqty. Bıylǵy jyly indettiń órshigen ýaqyty tamyz aıynda tirkelgen. Qazirgi tańda aýrýdyń tómendeý qarqyny baıqalady.

«Búgingi kúnge deıin oblysta koronavırýs ınfektsııasynyń 18 297 jaǵdaıy tirkeldi. Onyń 81,4 paıyzy osy jyly anyqtalǵan. Іndet ótken jylmen salystyrǵanda 4,4 esege joǵarylaǵan. Qazan aıynda aýrýdyń tómendeý qarqyny baıqalady. Qazan aıynyń on eki kúninde barlyǵy 353 jaǵdaı tirkelgen. Eń joǵarǵy kórsetkish bıylǵy jyldyń tamyz aıynda bolǵany belgili. Qazirgi tańda turǵyndar arasynda ujymdyq ımmýnıtet qalyptasyp keledi. Alaıda indet juqtyrýshylardyń kópshiligi jumyssyz azamattar ekeni belgili. Degenmen, oblysta ekpe alý qarqyny belsendi túrde júrgizilip jatyr. Oblysta ekpe qory jetkilikti», - dedi oblystyq sanıtarlyq-epıdemıologııalyq baqylaý departamenti bastyǵynyń orynbasary Álııa Ábdiqaıymova.
Eske salsaq, Qyzylordada ekpe qabyldaýǵa qabiletti azamattardyń 72 paıyzy vaktsına saldyrdy.


Joǵary qaraı