Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda iri esirtki alqaby anyqtaldy

2021 jyldyń 21 qyrkúıek 2021 02:13

QYZYLORDA. QazAqparat - Qyzylorda oblysynda shalǵaıdaǵy aýmaqtan iri esirtki alqaby anyqtaldy, dep habarlaıdy QazAqparat tilshisi.

QR Іshki ister mınıstrliginiń Ulttyq ulan áskerı tikushaǵymen Qyzylorda oblysy Polıtsııa departamentiniń Esirtki qylmysyna qarsy is-qımyl basqarmasynyń jáne 5547 áskerı bólim sarbazdarynyń birlesip qatysýymen iri esirtki alqaby anyqtaldy. Bul oryn Aral aýdany Jińishkequm eldi mekeninen soltústikke qaraı shamamen 170 shaqyrym qashyqtyqtaǵy qumdy tóbe arasynda ornalasqan.

«Atalǵan aýmaqtan úsh er adamnyń júrgeni belgili boldy. Olardyń 2-i oblystyń eki turǵyny bolsa, 1-i Jezqazǵan qalasynyń turǵyny. Olar zańmen tyıym salynǵan sora ósimdigin iri mólsherde egip, kútip baptap ósirgen. Oqıǵa ornyna jedel-tergeý toby qarap-tekserý sharasyn júrgizdi. Onda jalpy sany 589 túp sora ósimdigi anyqtalyp, olardan úlgi retinde 15 dana sora ósimdikteri alyndy. Al qalǵan 574 túp oqıǵa ornynda órteý jolymen joıyldy», - dep málim etti Qyzylorda oblystyq polıtsııa departamentinen.

Vedomstvo málimetinshe, atalǵan derek boıynsha QR Qylmystyq kodeksiniń 300-baby boıynsha sotqa deıingi tergep-tekserý amaldary júrgizilýde. Onda quramynda esirtki zattar bar, ósirýge tyıym salynǵan ósimdikterdi zańsyz egip-ósirý jaǵdaıy kórsetilgen. Kúdiktiler Aral aýdandyq polıtsııa bóliminiń ýaqytsha ustaý abaqtysyna qamaqqa alyndy.

Eske salsaq, budan buryn Qyzylorda oblysynda 2479 túp sora ósimdigi egilgen iri esirtki alqaby anyqtaldy .


Joǵary qaraı