Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda múgedektigi bar azamattarǵa arnalǵan modeldi páter tanystyryldy

2021 jyldyń 1 jeltoqsan 2021 03:19

QYZYLORDA. QazAqparat – QR Eńbek jáne halyqty áleýmettik qorǵaý vıtse-mınıstri Rýslan Sákeev Qyzylorda oblysyna jumys sapary barysynda múgedektigi bar adamdarǵa arnalǵan modeldi páterdiń tusaýkeserine qatysty, dep habarlaıdy QazAqparat mınıstrlikke silteme jasap.

Vıtse-mınıstr Talsýat aýylyndaǵy Múgedektigi bar adamdarǵa arnalǵan ońaltý ortalyǵynda boldy. Onda oǵan jáne Qazaqstandaǵy BUUDB Turaqty ókili ıAkýp Berıshke QR Eńbek jáne halyqty áleýmettik qorǵaý mınıstrliginiń qoldaýymen Qazaqstandaǵy BUU Damý baǵdarlamasy iske asyrǵan múgedek adamdarǵa arnalǵan modeldi páter salý jónindegi pılottyq joba tanystyryldy.

Joba erekshe qajettilikteri bar adamdardy áleýmettik ońaltýǵa jáne ómir súrý sapasyn arttyrýǵa baǵyttalǵan. Onyń mindeti – kreslo-arbamen qozǵalatyn adam úshin zamanaýı yńǵaıly páterdiń modelin jasaý. Ol úshin Ońaltý ortalyǵynan úı-jaı bólinip, ol kireberisten, zaldan, jatyn bólmeden, as úıden jáne dárethana bólmesinen turatyn eki bólmeli páter retinde jabdyqtaldy.

Jobalyq sheshimder kedergisiz turǵyn úı ortasyn qurý boıynsha normatıvtik-tehnıkalyq talaptarǵa sáıkes keltirilgen. Sonymen, dárethana bólmesiniń esikteri men ólshemderi ulǵaıtyldy, turmystyq jáne psıhologııalyq táýelsizdikti qamtamasyz etetin túrli kómekshi qurylǵylar ornatyldy.

Modeldi páter múgedektigi bar adamnyń kreslo-arbadaǵy erkin júrip-turýyna tolyqtaı beıimdelgen jáne turmystyq tehnıkamen, arnaıy jıhazdarmen jáne qurylǵylarmen jabdyqtalǵan.

«Múgedektigi bar adamdarǵa arnalǵan áleýmettik obektilerdi beıimdeý-kedergisiz orta qurý jónindegi jumystyń mańyzdy bóligi. Biz ınfraqurylymdy qurý, sondaı-aq múgedek adamdardy ońaltý bóliginde standarttar boıynsha jumys isteımiz. Bul joba – mınıstrlik pen BUUDB yntymaqtastyǵynyń taǵy bir sátti úlgisi. Ol halyqtyń qaýqary az toptarynyń muqtajdyqtary úshin úı-jaılardy pysyqtaý esebinen áleýmettik-turmystyq ońaltý tehnologııasyn qurýǵa baǵyttalǵan», – dep atap ótti Rýslan Sákeev.

Qazaqstanda múgedektigi bar 695 myń adam turady, onyń ishinde 15 myń adam júrip-turý úshin kreslo-arbany paıdalanady.

Osy jobany iske asyrý sheńberinde múgedektigi bar adamdardy áleýmettik-turmystyq beıimdeý men ońaltýdyń ádistemeleri men tehnologııalary ázirlenedi, olar keıinnen eldiń ońaltý ortalyqtarynyń jumys praktıkasyna engiziledi.




Joǵary qaraı