Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda oqý jyly bastalǵaly 200-den astam oqýshy koronavırýsqa shaldyqty

2021 jyldyń 17 qyrkúıek 2021 15:31

NUR-SULTAN. QazAqparat – Jańa oqý jyly bastalǵaly Qyzylorda oblysy boıynsha 213 oqýshy COVID-19-dy juqtyrdy. Bul týraly oblys ákiminiń orynbasary Baljan Shámenova málim etti, dep habarlaıdy QazAqparat tilshisi.

«Oqý jyly bastalǵaly 15 kúnniń ishinde 213 oqýshy koronavırýs indetine shaldyqty. Onyń ishinde 124 jaǵdaı mekteppen baılanysty emes, ıaǵnı úı karantınine oqshaýlanǵan oqýshylar. Al qalǵan 89 derek qashyqtan oqý formatynda bilim alyp jatqan balalar arasynda tirkelip otyr. Búginde oblys kóleminde 89 synyptyń oqýshylary 14 kúnge karantınge jiberildi. Al mektep muǵalimderi arasynda KVI juqtyrýdyń 31 deregi tirkeldi. Olardyń 23-niń vırýsty juqtyrýy mekteppen baılanysty emes, al qalǵan 8 jaǵdaı qashyqtan oqý formatynda jumys isteıtin muǵalimder bolyp shyqty», - dedi B. Shámenova OKQ-de ótken baspasóz máslıhatynda.

Sondaı-aq, ákim orynbasarynyń málimdeýinshe, oqý bastalǵaly óńirde 31 stýdent atalǵan indetke shaldyqqan.

«Mektepke deıingi uıymdardaǵy tárbıelenýshi balalar arasynda 5 jaǵdaı tirkeldi. Onyń 3 jaǵdaıy mektepke deıiggi uıym toptarymen baılanysty emes, al qalǵan 2-eýi balabaqshada tálim alyp jatqan bala. Búginde aýrýdyń aldyn alýǵa qatysty halyq arasynda túsindirme jumystary júrgizilip, karantın talaptaryn saqtaý kerektigi basa aıtylyp jatyr», - deıdi ol.

Onyń aıtýynsha, mektepterdegi karantındik talaptardyń saqtalý barysy qatań baqylaýda. Búginde óńirdegi 280 mektepke tekserý júrip, ol boıynsha 252 nusqaýlyq berilip, 324 ákimshilik jaýap qarastyrylǵan.


Joǵary qaraı