Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda sanıtarlyq talaptardy kúsheıtý kózdelip otyr

2021 jyldyń 17 sáýir 2021 08:51

QYZYLORDA. QazAqparat - Qyzylorda oblysynda sanıtarlyq-epıdemıologııalyq talaptar kúsheıtiledi, dep habarlaıdy QazAqparat tilshisi.

Búginde oblys «sary» aımaqta tur. Sońǵy táýlikte koronavırýs ınfektsııasyn juqtyrýdyń 75 deregi tirkeldi. Іndet kúnnen-kúnge dendep barady.

«Oblysta keıbir oryndar karantın talabyn saqtaýǵa óz deńgeıinde nazar aýdarmaı otyr. Máselen, 14 sáýirde 6 mekemede talaptardyń saqtalmaǵany belgili boldy. Qyzylorda qalasynyń irgesindegi Tasbóget kentinde ornalasqan «Karamel» oıyn-saýyq ortalyǵynda osyndaı keleńsizdik baıqaldy. Onda qyzmetkerler men kelýshilerden betperde taǵý talap etilmeıdi, temperatýra ólshenbeıdi. Degenmen, kóptegen oryndarda ótken aptamen salystyrǵanda sanıtarlyq-epıdemıologııalyq talaptardyń saqtalýy kúsheıtilip jatqany baıqalady. Qazir jergilikti polıtsııa qyzmeti basqarmasynyń kólikterimen dybys zoraıtqysh quraldary arqyly ortalyq kóshelerde eskertpe habarlamalar aıtylýda», - dedi oblystyq ishki saıasat basqarmasynyń basshysy Mıra Qazbekova.

Búginde koronavırýs ınfektsııasyn juqtyrǵan 236 adam aýrýhanada em alýda.

«Qazir aýdandarǵa turaqty jetkizý jumysymen aınalysýdamyz. Tasymaldaý men saqtaý úshin oblystyq bıýdjetten qosymsha qarajat qaralýda. Jappaı vaktsına jasaý arqyly ujymdyq ımýnıtetti qalyptastyra alamyz», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.

Oblys ákiminiń orynbasary Baljan Shámenovanyń tóraǵalyǵymen ótken selektorlyq jıynda koronavırýs ınfektsııasyna qatysty atqarylyp jatqan jumystar, óńirdegi epıdemıologııalyq ahýal talqylandy. Oblys ákiminiń orynbasary sanıtarlyq talapty kúsheıtýdi, ony qadaǵalaýdy tapsyrdy.

Eske salsaq, Qyzylordada karantın talabyn buzǵandarǵa 11 mln teńge aıyppul salyndy.


Joǵary qaraı