Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda shalǵaıdaǵy eldi mekenderge avtobýs qatynasy jolǵa qoıyldy

2020 jyldyń 4 tamyz 2020 15:49

QYZYLORDA. QazAqparat - Qyzylorda oblysynda jolaýshylar jáne júk tasymaldaý parkteri jańa tehnıkalarmen tolyǵyp, servıstik qyzmet kórsetý deńgeıi de edáýir artty, dep habarlaıdy QazAqparat tilshisi.

Búginde oblys aýmaǵynda 212 eldi mekenge avtobýs qatynasy bar. Atap aıtqanda, 204 avtobýs baǵdary boıynsha turǵyndar tasymaldanady. Onyń 71-i aýdanaralyq, 101-i kent ishilik bolsa, 32-i qalaishilik jáne qala mańyna júredi.

«Qazir oblystyń kólik salasynda kóptegen ózgeris paıda boldy. Halyqqa qyzmet kórsetý sapasy jaqsardy. Jolaýshylar jáne júk tasymaldaý parkteri jańa tehnıkalarmen tolyǵyp keledi. Aıta keterligi, servıstik qyzmet kórsetý deńgeıi de edáýir artty. Olardyń kópshiligi memlekettiń qoldaýy arqasynda júzege asyp jatyr», - dedi Qyzylorda oblystyq jolaýshylar kóligi jáne avtomobıl joldary basqarmasynyń basshysy Murat Tileýmbetov.

Onyń aıtýynsha, jolaýshylar tasymaldaý maqsatynda «Qyzylorda-Tashkent» baǵytynda halyqaralyq bir avtobýs jumys istep keledi. Al Nur-Sultan, Almaty, Shymkent, Jezqazǵan, Túrkistan, Saryaǵash, Aqtóbe tárizdi qalalarǵa oblysaralyq 13 avtobýs uıymdastyrylǵan. Oǵan qosa oblys jáne aýdan ortalyqtarynan shalǵaı ornalasqan, jolaýshylar aǵymy az jáne jol sapasy tómen eldi mekenderge áleýmettik máni bar marshrýttar uıymdastyryldy. Olarǵa oblystyq bıýdjet esebinen sýbsıdııa qaralǵan. Jolaqysy da halyqqa qolaıly.

Taǵy bir aıta keterligi, Qyzylorda qalasyndaǵy qoǵamdyq kólikterge qyrkúıek aıynan bastap elektrondyq bılet júıesi engiziledi. ıAǵnı 89 avtobýsqa elektrondy bılet júıesiniń termınaly men valıdatory ornatylady.

Sondaı-aq, Qyzylordada bıyl kent jáne aýyldyq okrýgterdi damytýǵa mán berildi.
Avtor Ádiljan Úmbet
Basty sózder: Kólik, Qyzylorda oblysy,
Joǵary qaraı