Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda shildeden beri 370 turǵyn aýlasynda tyǵylyp toı jasaǵan

2020 jyldyń 29 qazan 2020 19:18

QYZYLORDA. QazAqparat - Qyzylorda oblysynda 5 shildeden beri búgingi kúnge deıin 24 monıtorıng toby 3019 reıd júrgizgen. Nátıjesinde 752 zańbuzýshylyq anyqtaldy.

Onyń ishinde halyqqa qyzmet kórsetý nysandaryndaǵy buzýshylyq sany – 364 , úı jaǵdaıynda uıymdastyrylǵan merekelik-kópshilik is-sharalar sany - 370 jáne kóshedegi toptyq jınalý sany - 18 .

Karantın talaptaryn buzýdyń aýdandar boıynsha kórsetkishi:

Aral aýdany - 94

Qazaly aýdany - 153

Qarmaqshy aýdany - 77

Jalaǵash aýdany - 88

Syrdarııa aýdany - 3 8

Shıeli aýdany - 59

Jańaqorǵan aýdany - 73

Qyzylorda qalasy - 144

Anyqtalǵan 752 karantın talaptaryn buzýshylyqtar boıynsha QR ÁQBtK 425-babynyń 1-bóligimen jalpy somasy 35 225 040 teńgege ákimshilik aıyppul salyndy.

Karantın talaptaryn buzýshylyqtyń basym bóligi úı jaǵdaıynda kópshilik jıyn uıymdastyrýǵa qatysty jáne qoǵamdyq tamaqtaný oryndary, azyq-túlik saýda oryndaryna qatysty anyqtalǵan. Onyń ishinde jeke kásipkerlikke qatysty- 14 , nysandarǵa qatysy bar jeke tulǵalarǵa- 351 , al nysandarǵa qatysy joq jeke tulǵalarǵa qatysty 387 ákimshilik hattama toltyrylǵan.

Halyqqa qyzmet kórsetý oryndaryndaǵy karantın talaptaryn buzýshylyqtyń basym bóligi sanıtarııalyq talaptardyń saqtalmaýyna qatysty anyqtalǵan, ıaǵnı qyzmetkerler maskasyz, qorǵanysh qolǵaptarynsyz halyqqa qyzmet kórsetken, sonymen qatar shekti ýaqyttan asyryp jumysyn jalǵastyrǵan nysandar da bar.

Atap aıtqanda, 261 derek maska taǵý erejesin buzýǵa jáne áleýmettik araqashyqtyqty saqtamaýǵa qatysty, jumys jasaý ýaqytynyń shektelýin buzý boıynsha – 60 , tyıym salynǵan nysandardyń qyzmet kórsetýi boıynsha – 29, zalalsyzdandyrý talaptarynyń saqtalmaýy boıynsha– 14 talap buzýshylyq oryn aldy.

27.10.2020 jyly oblys boıynsha karantın talaptaryn saqtamaǵan 16 jeke tulǵaǵa 666 720 teńge ákimshilik aıyppul salyndy.

Atap aıtqanda:

Qazaly aýdanynda saýda ornynda betperde taqpaý boıynsha 2 fakti, jeke turǵyn úıde úılený toıyn ótkizý boıynsha 6 fakti anyqtaldy. Karantın talaptaryn buzýshylarǵa 333 360 teńge kóleminde aıyppul salyndy.

Syrdarııa aýdanynda saýda ornynda betperdelik rejım saqtalmaǵan jáne kompıýterlik ortalyq qyzmetkeri qolǵapsyz qyzmet kórsetken. Nátıjesinde 83 340 teńge ákimshilik aıyppul salyndy .

Shıeli aýdanynda kompıýterlik ortalyq belgilengen ýaqyttan asyryp jumys jasaǵan 1 fakti jáne jeke turǵyn úıde toı ótkizý boıynsha 3 fakti anyqtalǵan. Karantın talaptaryn buzýshylarǵa 166 680 teńge aıyppul salyndy.

Jańaqorǵan aýdanynda qoǵamdyq tamaqtaný orny belgilengen shekti ýaqyttan asyryp jumys jasaǵan. Budan bólek, jeke tulǵa toı ótkizgen. Nátıjesinde 83 340 teńge aıyppul salyndy.








Joǵary qaraı