Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda sýdy únemdeý tehnologııasyna mán beriledi

2021 jyldyń 20 qyrkúıek 2021 20:15

QYZYLORDA. QazAqparat - Qyzylorda oblysynda aldaǵy ýaqytta agrarlyq salada sýdy únemdeý tehnologııasyna mán beriledi, dep habarlaıdy QazAqparat tilshisi.

Qyzylorda oblysynda jańa tehnologııalar men tsıfrlandyrý arqyly sýdy únemdeýge kóshý máselesine nazar aýdarylmaq. Sý únemdeý tehnologııalaryn engizý, sýdy tıimdi paıdalaný - Qyzylorda oblysy úshin óte mańyzdy másele.

Osy maqsatta bıyl Jańaqorǵan aýdanynda «Qyzylorda AgroPlus» JShS tamshylatyp sýarý ádisimen tomat óndirý jobasyn bastady. Onda 2 gektar jerde synaq retinde qyzanaqtyń 10 túrli sortynyń kóshetteri otyrǵyzyldy. Nátıjesi jaman emes. Ár gektardan ortasha 900 tsentnerden ónim jınaldy. Aldaǵy jyly eger osy jobaǵa qajetti ınfraqurylymdy jetkizýge úlgerse, 1000 gektar qyzanaq egý jumystary bastalady dep kútilýde.

«Búgingi tańda oblys halqyn 29 negizgi azyq-túlik taýarlarynyń 5 túrimen tolyqtaı qamtýǵa múmkindigimiz bar. Al kartop, sábiz jáne jylqy eti sekildi ónimdermen 60 paıyzdan astam qamtamasyz etilýde. Al 7 túrli ónim boıynsha qamtý kórsetkishi 20-60 paıyz aralyǵynda. Qalǵan 14 ónim boıynsha syrttan tasymaldaýǵa májbúrmiz. Osyǵan baılanysty azyq-túlik qamtamasyz etý balansynyń negizinde óz óndirisimizdi ulǵaıtamyz. Aldaǵy 5 jylda 56,1 mlrd. teńgeni quraıtyn 42 jobany iske asyrý josparlanýda», - dedi oblys ákiminiń orynbasary Baqyt Jahanov.

Óńirde óndirilmeıtin azyq-túlik taýarlaryn basqa aımaqtardan satyp alý, tasymaldaý, saqtaýdy júzege asyrý úshin 2022 jylǵa kóterme-taratý ortalyǵyn ashý josparlanýda. Atalǵan jumystardy iske asyrý óz kezeginde azyq-túlik baǵasynyń uzaq merzimge turaqtylyǵy men alqaptan sórege deıin taýar aınalymyn qamtamasyz etip, eksportqa jiberýge septigin tıgizedi.

Nátıjesinde, sońǵy jyldary aýyl sharýashylyǵy daqyldary ónimderiniń ósimi jyl saıyn artyp keledi. Sondaı-aq, aýyl sharýashylyǵy taýar óndirýshileri memleket tarapynan bólingen qoldaýlardy merziminde alýda.

Eske salsaq, Qyzylorda oblysynda áleýmettik dúkender sany 34-ke jetti.

https://www.inform.kz/qz/kyzylorda-oblysynda-aleumettik-dukender-sany-34-ke-zhetti_a3838169


Joǵary qaraı