Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda Japonııa úkimetiniń baǵdarlamasy júzege asyrylýda

2021 jyldyń 26 qazan 2021 22:09

QYZYLORDA. QazAqparat - Qyzylorda oblysynda Japonııa Úkimetiniń halyqaralyq baǵdarlamasy áleýmettik salany damytýǵa qoldaý kórsetip keledi, dep habarlaıdy QazAqparat tilshisi.

Búgin oblys ákimi Gúlshara Ábdiqalyqova Japonııanyń elimizdegi Tótenshe jáne Ókiletti Elshisi Djýn ıAmadamen kezdesti. Kezdesý eki el arasyndaǵy, onyń ishinde Syr óńiriniń damýy baǵytynda atqarylyp jatqan jumystardy talqylandy. Basqosýǵa oblys ákiminiń orynbasary Baqyt Jahanov, tıisti basqarma basshylary jáne japonııalyq delegatsııa músheleri attashe Tomoıa Ekoe men «Shóp tamyry» halyqaralyq baǵdarlamasynyń úılestirýshisi Akıra Matsýmoto qatysty.

Oblys ákimi aımaqtaǵy bilim berý jáne ekologııa salasyndaǵy bastamalar men jobalardy iske asyrý úshin atqarylyp jatqan jumystarǵa rızashylyǵyn bildirip, Djýn ıAmadaǵa Alǵys hat tabystady.

«Búgingi tańda Qazaqstan men Japonııa uzaq jyldar boıy ashyq jáne senimdi ózara qarym-qatynas ornata bilgen strategııalyq áriptester retinde baǵalanady. Joǵary deńgeıdegi turaqty kezdesýler, saýda-ekonomıkalyq qatynastar men birlesken mádenı yntymaqtastyq - elder arasyndaǵy tıimdi ózara qarym-qatynastyń jarqyn aıǵaǵy. Qazaqstan - Japonııanyń Ortalyq Azııadaǵy negizgi áriptesteriniń biri jáne ekijaqty qatynastar jyldar ótken saıyn tek keńeıýde. Dostyq qarym-qatynastyń bir mysaly retinde Japonııa úkimeti bizdiń elimizdiń aýmaǵynda júzege asyryp jatqan «Shóp tamyry» baǵdarlamasyn atap ótýge bolady. Áleýmettik salany damytý - óńirlik saıasattyń, onyń ishinde bilim berý salasyn jaqsartýdyń asa mańyzdy basym baǵytynyń biri. Osy múmkindikti paıdalana otyryp, Sizderge Qyzylorda oblysynda bilim berý jáne ekologııa salasyndaǵy bastamalar men jobalardy iske asyrýǵa kómek kórsetkenderińiz úshin alǵysymdy bildiremin», - dedi Gúlshara Ábdiqalyqova.




«Shóp tamyry» baǵdarlamasy - Japonııa Úkimeti damýǵa resmı kómek sheńberinde iske asyratyn jobanyń biri. Ol úkimettik emes uıymdar, sondaı-aq jergilikti organdar bastamashylyq etken jobalarǵa járdem kórsetedi. Baǵdarlama sheńberinde densaýlyq saqtaý, bilim berý, aýyl sharýashylyǵy jáne t. b. salalardaǵy jobalar iske asyrylýda. Granttyq kómek jabdyqty satyp alýǵa, sondaı-aq mekemelerdi jabdyqtaýǵa qarajat berýge baǵyttalǵan.

Kezdesýde Japonııanyń Qazaqstan Respýblıkasyndaǵy Tótenshe jáne Ókiletti Elshisi Djýn ıAmada kórsetilgen qurmetke rızashylyǵyn bildirip, aldaǵy ýaqytta da birlesip jumys atqarýǵa daıyn ekenin jetkizdi.

Aıta ketý kerek, Japonııa delegattary Syr óńirine jumys sapary barysynda oblys ortalyǵyndaǵy birqatar áleýmettik nysandardy aralaıdy. Odan keıin Aral aýdanyna barady.




Eske salsaq, Qyzylordada taǵy bir aýyl tabıǵı gaz qubyryna qosyldy.



Joǵary qaraı