Aýa raıy
Astana -6 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda joǵalǵan oqýshy bala tabyldy

2020 jyldyń 28 qazan 2020 00:05

QYZYLORDA. QazAqparat - Qyzylorda oblysynda joǵalǵan 10 jastaǵy bala tún ishinde tabyldy, dep habarlaıdy QazAqparat tilshisi.

Oqıǵa Qazaly aýdanynda boldy. 31 jastaǵy azamatsha kámelettik jasqa tolmaǵan ulynyń úıine qaıta oralmaǵany jóninde polıtsııa qyzmetine habarlaǵan.

«Habarlama birden áleýmettik jelige jarııalandy. Aýdandyq polıtsııa bóliminiń jeke quramy, aýdandyq bilim bóliminiń qyzmetkerleri, kent turǵyndary arasynan shyqqan eriktiler izdestirý jumysyna kiristi. Aýdannyń barlyq aýyly men dalalyq joly, vokzal mańy, orman alqaby nazarǵa alyndy.

Joǵalǵan bala tańǵy saǵat 5.30 shamasynda tabyldy. Azamattardan óz balalaryn qadaǵalaýda ustaýyn suraımyz», - dedi Qazaly aýdandyq polıtsııa bóliminiń bastyǵy Sábıt Arynov.

Málim bolǵandaı, oqýshy aýyl shetinen dalaly jerden tabyldy.

Buǵan deıin Qyzylordada joǵalyp ketken 7 jasar bala ózen jaǵasynan tabylǵanyn jazǵan bolatynbyz.


Avtor Ádiljan Úmbet
Basty sózder: Aımaq, Qylmyspen kúres, Oqıǵa,
Joǵary qaraı