Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda jyl basynan beri 344,7 mlrd teńgeniń ónimi óndirildi

2021 jyldyń 18 shilde 2021 04:40

QYZYLORDA. QazAqparat - Qyzylorda oblysynda jyl basynan beri 344,7 mlrd teńgeniń ónimi óndirildi, dep habarlaıdy QazAqparat tilshisi.

Nátıjesinde kórsetkish ótken jylmen salystyrǵanda 100,5 paıyzdy qurady. Óńir ekonomıkasyna 104,7 mlrd teńge ınvestıtsııa salyndy. Sondaı-aq, 25,7 mlrd teńgege qurylys jumystary júrgizildi. 297,5 myń sharshy metr turǵyn úı paıdalanýǵa berildi.

Bıyl ındýstrııalandyrý baǵdarlamasy aıasynda 48,5 mlrd teńgeni quraıtyn 4 jobany iske asyrý josparlanǵan. Atap aıtqanda, olardyń qatarynda tabaqsha shyny shyǵarý jáne óńdeý zaýyty, qýattylyǵy jylyna 1 500 tonna qus etin óndirý, as tuzyn óndirý, túıe sútinen qurǵaq untaq shyǵarý óndirisi bar. Joba aıasynda 506 jumys ornyn qurý kózdelgen.

«Oblysta ınvestıtsııalar kóleminiń ósýi baıqalady. Búginde ınvestıtsııalardyń jańa tolqynyn tartý boıynsha jumystar júrgizilýde. Munan ózge, ındýstrııalandyrý baǵdarlamasynyń úshinshi besjyldyǵynda quny 542,9 mlrd teńgeni quraıtyn 41 joba júzege asyrylatyn bolady. Nátıjesinde 7,4 myń adamdy jumyspen qamtylady» , - dedi oblystyq ındýstrııalyq-ınnovatsııalyq damý basqarmasy basshysynyń mindetin atqarýshy Janar Berdenova.

Aıta ketsek, Qyzylorda oblysynda 41 joba júzege asyrylmaq.

Joǵary qaraı