Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda jyl basynan beri 8 adam sýǵa ketti

2022 jyldyń 28 mamyr 2022 01:49

QYZYLORDA. QazAqparat - Qyzylorda oblysynda jyl basynan beri 8 adam sýǵa ketti. Olardyń 4-ýi kámeletti jasqa tolmaǵan bala, dep habarlaıdy QazAqparat tilshisi.

Oblysta sýǵa shomylýǵa ruqsat etilgen 2 jeke jaǵajaı jumys isteıdi. Onyń biri – qaladaǵy «Syr samaly» demalys orny, ekinshisi - Belkól kentinde ornalasqan «Abaı» demalys orny. Qazirgi tańda 4 kommýnaldyq jaǵajaıdyń qaýlysy ázirlenip jatyr.

Jyl basynan beri oblys aýmaǵyndaǵy sý aıdyndarynda 8 adam sýǵa ketken. Onyń ishinde kámelet jasyna tolmaǵan 4 bala bar. Degenmen, byltyrǵy jylmen salystyrǵanda sýǵa ketý oqıǵalary 33 paıyzǵa tómendegen.

«Jalpy sý aıdyndarynda sýǵa shomylýǵa qaýipti dep tanylǵan 64 ýchaske belgilengen. Munda 270 eskertý taqtaıshasy ornatylǵan. Oblys turǵyndarynan sýǵa shomylý maýsymy kezinde barynsha qaýipsizdik sharalaryn saqtaýǵa shaqyramyn», - dedi oblystyq TJD bastyǵynyń orynbasary Saıd Moldaqaraev.

Eske salsaq, budan buryn Qyzylordada abaısyzda aryqqa qulap ketken sábı kóz jumdy.

Sondaı-aq, odan buryn Qyzylordada sýǵa batyp ketken oqýshynyń denesi tabyldy.



Joǵary qaraı