Aýa raıy
Astana -11 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynyń ken ornynda jataqhana órtenip, 3 jumysshy qaza boldy

2020 jyldyń 1 jeltoqsan 2020 12:16

QYZYLORDA. QazAqparat – Qyzylorda oblysyndaǵy ken ornynda jataqhana órtenip, 3 jumysshy qaza boldy. QazAqparat bul týraly QR Tótenshe jaǵdaılar mınıstrliginiń resmı ókili Talǵat Ýálıge silteme jasap habarlaıdy.

Oqıǵa 1 jeltoqsan kúni, saǵat 01.34-te Qyzylorda oblysy, «Qyzylorda-Qumkól» tas jolynyń 108-shaqyrymyndaǵy «Bektas-Qonys» ken ornynda boldy. Órt jumysshylarǵa arnalǵan konteıner tıpti jataqhanadan shyqqan. Jalyn 1450 sharshy metr aýmaqty sharpyǵan.

«Jaqyn jerdegi órt sóndirý bólimine deıingi araqashyqtyq – 160 shaqyrym. Jataqhananyń jalpy aýmaǵy 2500 sharshy metrdi quraıdy. Aýmaqta 100 konteıner ornalasqan, onyń 48-i órtendi. Órt saǵat 06.40-ta tolyq sóndirildi», - dedi T.Ýálı.

Oqıǵa ornynda 3 adamnyń máıiti tabylǵan.

«Aldyn ala boljam boıynsha olar 1967, 1985, 1970 jyly týǵan jumysshylar. Onda barlyǵy 30 jumysshy turǵan. Onyń 27-si órtten keıin 19 km qashyqtyqta ornalasqan ashanaǵa ornalastyryldy.

Oqıǵa ornyna Tótenshe jaǵdaılar departamentiniń 19 qyzmetkeri men 3 tehnıkasy, «POJMontajQurylys» JShS memlekettik emes órtke qarsy qyzmetiniń 9 jumysshysy men 2 tehnıkasy, «PetroQazaqstanQumkólResýrsy» JShS memlekettik emes órtke qarsy qyzmetiniń 3 qyzmetkeri men 1 tehnıkasy shyqty», - dep tolyqtyrdy resmı ókil.











Joǵary qaraı