Aýa raıy
Astana -19 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada agrarlyq salada eksportqa shyqqan taýardyń 98 paıyzy - qaıta óńdelgen ónimder

2020 jyldyń 23 qarasha 2020 12:44

NUR-SULTAN. QazAqparat - Qyzylorda oblysynda agrarlyq saladan eksportqa shyqqan taýardyń 98 paıyzyn qaıta óńdelgen ónimder qurap otyr, dep habarlaıdy QazAqparat tilshisi.

Bul jóninde oblys ákimi Gúlshara Ábdiqalyqova elordadaǵy Ortalyq kommýnıkatsııalar alańynda ótip jatqan brıfıngte málim etti.

Oblys basshysynyń aıtýynsha, ekonomıkany ártaraptandyrý arqyly óńirde jańa ónim óndirýge mán berilgen. Oǵan qosa eksportqa shyǵatyn taýarlar kóbeıdi.

«Bıyl alǵash ret Reseıge muzdatylǵan kókónis pen qyzanaq eksportqa shyqty. Al, Germanııaǵa 420 tonna qamys jiberý jolǵa qoıyldy. Qazir oblysta álemniń 17 eline aýyl sharýashylyǵy ónimderiniń 11 túri eksporttalyp otyr. Pandemııa qıyndyǵyna qaramastan syrtqy naryqqa ónim óndirý 12 paıyzǵa kóbeıdi. Onyń 98 paıyzy qaıta óńdelgen ónim bolyp otyr», - dedi oblys ákimi.

Bıyl óńir dıqandary Syrdarııadan keletin sýdan tapshylyq kórdi. Soǵan qaramastan kúrish óndirý kólemi ótken jylmen salystyrǵanda 15 myń tonnaǵa artyq boldy.

Gektaryna 61,8 tsentner ónim alynyp, qambaǵa 550 myń tonnadan astam kúrish quıyldy.

«Sýarmaly sýǵa baılanysty ózekti máselelerdi azaıtý úshin kólemi 2,3 mıllıard tekshe metrdi quraıtyn 6 sý qoımasyn salýdy josparlap otyrmyz.Sondaı-aq, Qyzylorda jáne Áıtek sý toraptaryn qaıta jańǵyrtý, Jıdeli sý qoımasyn jóndeý, Jalaǵash aýdanyndaǵy ırrıgatsııalyq drenaj júıesin jetildirý (15 myń ga) boıynsha iri ınfraqurylymdyq jobalardy iske asyrý qolǵa alyndy. Memleket basshysynyń tapsyrmalaryn oryndaý maqsatynda 143 myń gektar aýmaqtaǵy alqaptyń ırrıgatsııalyq jáne drenajdyq júıesin, 29 myń gektar sýarmaly jerlerdi qalpyna keltirý jáne aınalymǵa engizý jobalary iske asyrylady», - dedi oblys ákimi.

Oblystyń agrarlyq salasynda jańashyl jobalar qolǵa alynbaq. 2021 jyly Qazaly aýdanynda jańbyrlatyp sýarý tásilimen 87 gektar júgeri egiledi.

Sondaı-aq, Jańaqorǵan aýdanynda tomat pastasy óndirisin ashýǵa baǵyttalǵan 3 myń gektar qyzanaq egý birinshi kezekte iske asyrylmaq.

Joǵary qaraı