Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada aýyl turǵyny karantınge qaramaı, kókpar uıymdastyrǵan

2020 jyldyń 27 qazan 2020 11:19

QYZYLORDA. QazAqparat - Qyzylorda oblysynda aýyl turǵyny karantın talaptaryn saqtamaı, 100-ge tarta adam jınalǵan kókpar uıymdastyrǵan, dep habarlaıdy QazAqparat tilshisi.

Oqıǵa Jańaqorǵan aýdanyna qarasty Ekpindi aýylynda boldy. Jergilikti turǵyn 100-ge tarta adam jınap, kókpar uıymdastyrǵan.

Óńirde karantın shekteýleriniń oryndalýyn qamtamasyz etý maqsatynda arnaıy monıtorıngilik mobıldi top qurylǵan. Top quramynda jergilikti atqarýshy organdar, Taýarlar men kórsetiletin qyzmetterdiń sapasy men qaýipsizdigin baqylaý departamenti, eriktiler jáne qoǵamdyq kómekshiler bar. Olar búgingi kúnge deıin 758 quqyq buzýshylyqty anyqtady.

«Tıisti talaptardy saqtamaıtyn turǵyndar az emes. Máselen, Qyzylorda qalasynyń 35 jastaǵy turǵyny 60 adamdy jınap, úılený toıyn ótkizgen. Osyndaı jaǵdaı Aral aýdanynda da tirkeldi. Oblys ortalyǵyndaǵy oıyn-saýyq kesheniniń birinde 150 adamǵa jınalǵan toı ótip jatqany belgili boldy. Bul derekter boıynsha ákimshilik hattama rásimdeldi. Tıisti shara kórý úshin Taýarlar men qyzmetterdiń sapasy men qaýipsizdigin baqylaý basqarmasyna joldandy», - dep málim etti Qyzylorda oblystyq polıtsııa departamentiniń baspasóz qyzmeti.


Avtor Ádiljan Úmbet
Basty sózder: Karantın, Jambyl oblysy, Qoǵam,
Joǵary qaraı