Qyzylordada aıdalada kóligi balshyqqa batyp qalǵan úsh jolaýshy qutqaryldy

QYZYLORDA. QazAqparat - Qyzylorda oblysynda kún sýyqta taý ishinde balshyqqa batyp qalǵan jeńil avtokólik ishindegi úsh jolaýshy qutqaryldy, dep habarlaıdy QazAqparat tilshisi.

Oqıǵa Shıeli aýdanyna qarasty Qosúıeńki aýyly tusynda boldy.

Eldi meken mańyndaǵy «Shıeli-Taıqońyr» tasjolynyń 65-shaqyrymyndaǵy «Aqsúmbe» ýchaskesinde 24 aqpan túngi saǵat 3.15 shamasynda «VAZ 2114» markaly jeńil avtokóligi balshyqqa batyp qalǵan.

Kólik ishinde úsh adam bolǵan.

«Oqıǵa ornyna Shıeli aýdany Tótenshe jaǵdaılar bóliminiń aǵa ınjeneri azamattyq qorǵaý leıtenanty Á. Nurmantaev jáne Shıeli aýdany Tótenshe jaǵdaılar bóliminiń ınjeneri leıtenant N. Musahan «Ssang Young Kyron» qyzmettik avtokóligimen bardy. Mamandar 1 júrgizýshi jáne 2 jolaýshy bar ekeni anyqtaldy. Kólik balshyqtan shyǵarylyp, qutqarylǵan adamdar turǵylyqty mekenjaıyna jetkizildi» dep málim etti Shıeli aýdany tótenshe jaǵdaılar bóliminen.