Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada balalar úıinen joǵalyp ketken eki jasóspirim tabyldy

2021 jyldyń 24 shilde 2021 20:33

QYZYLORDA. QazAqparat - Qyzylordada balalar úıinen joǵalyp ketken eki jasóspirim aman-esen tabyldy, dep habarlaıdy QazAqparat tilshisi.

Qyzylorda qalalyq Polıtsııa basqarmasynyń kezekshi bólimine otbasy úlgisindegi «Atameken» balalar úıiniń qyzmetkerleri aryzdandy. Onda atalǵan mekemede tárbıelenip jatqan 17 jastaǵy eki jasóspirimniń balalar úıinen belgisiz baǵytqa shyǵyp ketip, qaıta oralmaǵany týraly aıtylǵan.

«Olardy izdeý jumystaryna ıývenaldy polıtsııa, patrýldik polıtsııa jasaqtary jumyldyryldy. Úılerdiń shatyrlary men aýlalary, qurylys júrip jatqan obektiler nazarǵa alyndy. Mekemelerdiń aýlalary aralanyp, turǵyndardan surastyrý júrgizildi. Áleýmettik jelide aqparattar taratyldy. Nátıjesinde joǵalǵan jasóspirimder tabylyp, balalar úıine aman-esen tapsyryldy. Kámelet jasyna tolmaǵan balalardyń densaýlyǵyna eshqandaı qaýip tónip turǵan joq», - dep málim etti Qyzylorda qalalyq Polıtsııa basqarmasynyń baspasóz qyzmeti.

Aıta ketsek, bıylǵy jyldyń naýryz aıynda atalǵan balalar úıinen úsh qyz joǵalyp, keıinnen olar aman-esen tabylǵan bolatyn.


Joǵary qaraı